ఒక సైంటిస్ట్ గా లైఫ్ ని ప్రారంభించిన అబ్దుల్ కలాం అంతరిక్ష పరిశోధనల్లో ఎంతో కృషి చేశారు. మన దేశానికి కీర్తి ప్రతిష్టతలు సంపాదించిపెట్టారు. అగ్ని, పృథ్వీ లాంటి క్షిపణులు అబ్దుల్ కలాం సారథ్యంలోనే ఆకాశంలోకి ఎగిశాయి. బాలిస్టిక్ క్షిపణుల అభివృద్దిలో అబ్దుల్ కలాం పాత్ర చాలానే ఉంది. అంతేకాదు 1992 నుండి 1999 వరకు ప్రధాని సైంటిఫిక్ అడ్వైజర్ గా పనిచేశారు. భారతదేశానికి 11వ ప్రెసిడెంట్ గా పనిచేసి.. ఆ పదవికి వన్నెతెచ్చారు. ప్రజా రాష్ట్రపతిగా కీర్తిగణించారు. భారత రత్నతో పాటు ఎన్నో జాతీయ, అంతర్జాతీయ పురస్కారాలు కూడా అందుకున్నారు.
రాష్ట్రపతిగా రెండోసారి పదవీ బాధ్యతలు చేపట్టని అబ్దుల్ కలాం.. తర్వాత విద్యార్థులకు బాగా దగ్గరయ్యారు. తన విలువైన స్పీచ్ లతో స్టూడెంట్స్ లలో భవిష్యత్ పై ఆశలు రేకెత్తించారు. 2015వ సంవత్సరం.. జులై 27న లో షిల్లాంగ్ లో ఐఐఎం స్టూడెంట్స్ కు లెసెన్స్ చెబుతూ స్టేజ్ పై ఒరిగి ప్రాణాలు విడిచారు. అబ్దుల్ కలాం సేవల్ని దేశం ఎప్పటికీ మరిచిపోదు. నేడు అబ్దుల్ కలాం వర్ధంతి సందర్భంగా ఇండియా హెరాల్డ్ ఆ మహోన్నత వ్యక్తికి సలాం చెబుతోంది.
