ప్రస్తుతం పోలీసుల పని గంటలపైనే తీవ్రంగా చర్చ జరుగుతోంది. మహారాష్ట్రలో మహిళా పోలీసుల పని గంటలపై పెద్ద దుమారమే రేగుతోంది. వాస్తవానికి మహారాష్ట్రలో ఉమెన్ పోలీసు వర్కింగ్ అవర్స్ 12 గంటలుగా అక్కడి ప్రభుత్వం నిర్ణయించింది. అయితే ప్రస్తుతం అది 16 నుంచి 18 గంటలకు కూడా చేరుకుంది. దీనిపై మహిళా పోలీసులు ఆందోళన కూడా చేపట్టారు. తమపై పని ఒత్తిడి పెరుగుతోందని ఏకంగా రాష్ట్ర డీజీపీకి విజ్ఞప్తి లేఖ అందించారు. ఈ విషయంపై పూర్తిస్థాయి దర్యాప్తు చేపట్టిన డీజీపీ... సమగ్ర నివేదికతో మహారాష్ట్ర ప్రభుత్వానికి విన్నవించారు. మహిళా పోలీసులు పడుతున్న కష్టంపై దృష్టి పెట్టాలని లేఖలో ప్రస్తావించారు. డీజీపీ విజ్ఞప్తిని పరిగణనలోకి తీసుకున్న ఉద్ధవ్ ఠాక్రే నేతృత్వంలోని సంకీర్ణ సర్కార్... మహిళా పోలీసుల పని గంటలు తగ్గించేందుకు అంగీకరించింది. మహారాష్ట్ర వ్యాప్తంగా మహిళా పోలీసుల పని గంటలు ఇకపై 12 గంటల నుంచి 8 గంటలకు తగ్గిస్తూ ప్రభుత్వం నిర్ణయం తీసుకుందని డీజీపీ సంజయ్ పాండే ప్రకటించారు. ముందుగా కొన్ని స్టేషన్లలో పైలెట్ ప్రాజెక్టుగా అమలు చేస్తామని... ఆ తర్వాత రాష్ట్ర మంతా ఇదే విధానం అమలు చేస్తామన్నారు డీజీపీ. ప్రస్తుతం పూణె, నాగపూర్, అమరావతి జోన్ పరిధిలో మహిళా పోలీసులకు 8 గంటల షిఫ్ట్ సిస్టమ్ అమలు చేస్తామన్నారు డీజీపీ. అలాగే త్వరలోనే మహిళాల పోలీసుల నియామకం కూడా చేపట్టనున్నట్లు డీజీపీ తెలిపారు.
ప్రస్తుతం పోలీసుల పని గంటలపైనే తీవ్రంగా చర్చ జరుగుతోంది. మహారాష్ట్రలో మహిళా పోలీసుల పని గంటలపై పెద్ద దుమారమే రేగుతోంది. వాస్తవానికి మహారాష్ట్రలో ఉమెన్ పోలీసు వర్కింగ్ అవర్స్ 12 గంటలుగా అక్కడి ప్రభుత్వం నిర్ణయించింది. అయితే ప్రస్తుతం అది 16 నుంచి 18 గంటలకు కూడా చేరుకుంది. దీనిపై మహిళా పోలీసులు ఆందోళన కూడా చేపట్టారు. తమపై పని ఒత్తిడి పెరుగుతోందని ఏకంగా రాష్ట్ర డీజీపీకి విజ్ఞప్తి లేఖ అందించారు. ఈ విషయంపై పూర్తిస్థాయి దర్యాప్తు చేపట్టిన డీజీపీ... సమగ్ర నివేదికతో మహారాష్ట్ర ప్రభుత్వానికి విన్నవించారు. మహిళా పోలీసులు పడుతున్న కష్టంపై దృష్టి పెట్టాలని లేఖలో ప్రస్తావించారు. డీజీపీ విజ్ఞప్తిని పరిగణనలోకి తీసుకున్న ఉద్ధవ్ ఠాక్రే నేతృత్వంలోని సంకీర్ణ సర్కార్... మహిళా పోలీసుల పని గంటలు తగ్గించేందుకు అంగీకరించింది. మహారాష్ట్ర వ్యాప్తంగా మహిళా పోలీసుల పని గంటలు ఇకపై 12 గంటల నుంచి 8 గంటలకు తగ్గిస్తూ ప్రభుత్వం నిర్ణయం తీసుకుందని డీజీపీ సంజయ్ పాండే ప్రకటించారు. ముందుగా కొన్ని స్టేషన్లలో పైలెట్ ప్రాజెక్టుగా అమలు చేస్తామని... ఆ తర్వాత రాష్ట్ర మంతా ఇదే విధానం అమలు చేస్తామన్నారు డీజీపీ. ప్రస్తుతం పూణె, నాగపూర్, అమరావతి జోన్ పరిధిలో మహిళా పోలీసులకు 8 గంటల షిఫ్ట్ సిస్టమ్ అమలు చేస్తామన్నారు డీజీపీ. అలాగే త్వరలోనే మహిళాల పోలీసుల నియామకం కూడా చేపట్టనున్నట్లు డీజీపీ తెలిపారు.