అయితే ఉద్యోగ సంఘాల మాటకి, పని తీరుకి ఎక్కడ పొంతన కుదరట్లేదు. ఉద్యోగ సంఘ నేతలు ప్రెస్ మీట్ ఏర్పాటు చేసిన విషయం తెలుసుకున్న ప్రభుత్వ పెద్దలు సరిగ్గా మీడియా సమావేశం ప్రారంభానికి ఐదు నిమిషాల ముందు ఫోన్ చేశారు. ఏపీ జేఏసీ చైర్మన్, ఏపీ ఎన్జీవోల సంఘం అధ్యక్షుడు బండి శ్రీనివాసరావుతో ప్రత్యేకంగా మాట్లాడిన అజ్ఞాత వ్యక్తి గట్టిగా వార్నింగ్ ఇచ్చినట్లు తెలుస్తోంది. అవతలి నుంచి ఫోన్ వచ్చిన వెంటనే... బండి శ్రీనివాస రావు... సార్ కంట్రోల్ లోనే ఉంటాం.. గీత దాటం.. అన్ని జాగ్రత్తలు తీసుకుంటాం.. అంటూ చెప్పిన మాటలు ఇప్పుడు సోషల్ మీడియాలో వైరల్ గా మారాయి. ఆ తర్వాత అరె ఫోన్ కాల్ మాట్లాడిన ఏపీ జేఏసీ చైర్మన్ బొప్పరాజు వెంకటేశ్వర్లు కూడా అవతలి వారికి భయపడుతూనే సమాధానమిచ్చారు. పరిధిలోనే ఉంటాం గీత దాటి పరిస్థితి లేదంటూ ఎంతో వినయంగా సమాధానం ఇచ్చారు బొప్పరాజు వెంకటేశ్వర్లు. అయితే ఇప్పుడు అందరి మదిలో ఉన్న ప్రశ్న ఒక్కటే... ఫోన్ చేసి ఉద్యోగ సంఘాల నేతలను బెదిరించిన వ్యక్తి ఎవరు. ఆయన ఏమని వార్నింగ్ ఇచ్చారు. అనేది ఇప్పుడు ప్రభుత్వ ఉద్యోగుల్లో బలంగా చర్చ నడుస్తుంది. ఇలా భయపడుతూ ఉంటే మన సమస్యలు పరిష్కారం అవుతాయా అని కూడా ప్రభుత్వ ఉద్యోగులు చర్చించుకుంటున్నారు.
