గతంలో ప్రతి పనికి ఓ రేటు ఉండేదని వ్యాఖ్యానించిన సలీం... దానిని ఇప్పుటు రెట్టింపు చేశారని ఆరోపించారు. గతంలో 6 నుంచి 8 శాతం ఉండేదన్న సలీం... ఇప్పుడు మాత్రం 10 నుంచి 12 శాతం వరకు వసూలు చేస్తున్నారని సలీం ఆరోపించారు. ఈ వ్యవహారం అంతా కూడా డీకే శివకుమార్ స్వయంగా సర్థుబాటు చేశారన్నారు. డీకే సహచరుడు ముల్లుండ్ ఇప్పటి వరకు దాదాపు వంద కోట్ల రూపాయల వరకు సంపాదించుకున్నట్లు ఎంఏ సలీం చేసిన వ్యాఖ్యలు ఇప్పుడు హాట్ టాపిక్‌గా మారాయి. ఈ వీడియోపై కర్ణాటక కాంగ్రెస్ పార్టీ క్రమశిక్షణ సంఘం దృష్టి పెట్టింది. సలీంను ఆరు సంవత్సరాల పాటు పార్టీ నుంచి బహిష్కరిస్తున్నట్లు ప్రకటించారు. అలాగే మాజీ ఎంపీ ఉగ్రప్పకు షోకాజ్ నోటీసు జారీ చేశారు. అయితే ఉగ్రప్ప మాత్రం... శివకుమార్‌పై వచ్చిన ఆరోపణలను తప్పుబట్టారు. బీజేపీ నేతలు కావాలనే దుష్ప్రచారం చేస్తున్నారని ఆరోపించారు.
