కేసీఆర్ ప్రభుత్వంపై ఘాటు వ్యాఖ్యలు చేశారు ఈటల రాజేందర్. హుజురాబాద్ ఉప ఎన్నికల ఫలితం కేసీఆర్ పతనానికి నాంది కాబోతున్నాయన్నారు ఈటల రాజేందర్. తెలంగాణ రాష్ట్రంలో టీఆర్ఎస్ పార్టీ ఇంతలా ఉండేందుకు ప్రధాన కారణం తానే అన్నారు ఈటల. తనపై కావాలనే కేసీఆర్‌తో పాటు టీఆర్ఎస్ నేతలు తప్పుడు ఆరోపణలు చేస్తున్నారని ఈటల ధ్వజమెత్తారు. హుజూరాబాద్ నియోజకవర్గంలో తానేని అభివృద్ధి చేయలేదంటూ నిందలు వేస్తున్నారని ఈటల ఆగ్రహం వ్యక్తం చేశారు. తాను తప్పు చేసినట్లు ఇప్పటి వరకు రుజువు చేయలేక పోయారన్నారు ఈటల. ఈ నెల 30వ తేదీన జరిగే పోలింగ్ సమయంలో ఓటుతో కేసీఆర్ గూబ గుయ్ అనేలా ప్రతి ఒక్కరూ సమాధానం చెప్పాలని ఈటల పిలుపునిచ్చారు. ఇప్పటి వరకు ప్రగతి భవన్‌కే పరిమితం అయిన కేసీఆర్.... హుజూరాబాద్‌లో ఓటమి భయంతోనే దళిత బంధు పథకాన్ని ప్రకటించారని ఈటల దుయ్యబట్టారు. ఓట్ల కోసం అధికార పార్టీ నేతలు కోట్లు కుమ్మరిస్తున్నారని... డబ్బుకు ఓటు అమ్ముకునే రకం హుజురాబాద్ ఓటర్లు కాదన్నారు ఈటల.
