హుజురాబాద్ ఉప ఎన్నికల్లో కమలం పార్టీ అభ్యర్థి ఈటల రాజేందర్ ను ఏదైనా ఓడించాలని గట్టి పట్టుదలతో ఉన్న కేసీఆర్... స్వయంగా తానే రంగంలోకి దిగుతున్నారు. ఈ నెల 30న ఉప ఎన్నికల పోలింగ్ జరగనుంది. పోలింగ్ తేదీ కి సరిగ్గా 48 గంటల ముందు ప్రచారం ముగించాలి అనేది కేంద్ర ఎన్నికల సంఘం ఆదేశం. అంటే ఈనెల 28వ తేదీ సాయంత్రం ఐదు గంటల లోపు ప్రచారం ముగించాల్సి ఉంది. ఈ నేపథ్యంలో ఈ నెల 27వ తేదీన హుజురాబాద్ సమీపంలోని హుస్నాబాద్ లేదా ముల్కనూర్ లో లో భారీ బహిరంగ సభ నిర్వహించాలని కేసీఆర్ భావిస్తున్నారు ఈ సభ ద్వారా టిఆర్ఎస్ పార్టీకి సంబంధించి అధ్యక్ష ఎన్నికపై కూడా ఓ క్లారిటీ ఇవ్వనున్నారు. ఇప్పటికే టిఆర్ఎస్ పార్టీ అధ్యక్ష ఎన్నికల షెడ్యూలు విడుదలయింది. 22 వరకు నామినేషన్ ప్రక్రియ జరుగుతుంది. టిఆర్ఎస్ పార్టీ ద్వి దశాబ్ది ఉత్సవాలను ఘనంగా నిర్వహించేందుకు ఇప్పటికే ఆ పార్టీ నేతలు తీవ్రంగా ప్రయత్నిస్తున్నారు. ఇందులో భాగంగా వచ్చేనెల 15వ తేదీన వరంగల్ లో తెలంగాణ విజయ గర్జన పేరుతో భారీ బహిరంగ సభ నిర్వహించాలని కూడా టిఆర్ఎస్ పార్టీ నిర్ణయించింది. ఇది ద్వి దశాబ్ది ఉత్సవాలతో పాటు అటు హుజురాబాద్ ఎన్నికలు కూడా ఉండడంతో.. ఈనెల 27వ తేదీన కరీంనగర్ జిల్లాలో పర్యటించి భారీ బహిరంగ సభ నిర్వహించాలనేది కెసిఆర్ మెగా ప్లాన్.
