మొదటి నుండి భారత్ ఎవరి జోలికి పోకుండా తనదారిలో తాను ముందుకు అడుగులు వేసుకుంటూ పోతుంది. ఎవరు ఎన్ని దెబ్బలు కొట్టినా సహనంతో భరించింది. అప్పుడప్పుడు ప్రతిఘటించకపోతే శత్రువును నిలువరించడం సాధ్యం కాదు కాబట్టి కొన్ని సార్లు భయపెట్టడం తప్పనిసరి అయ్యేది. అంతకు మించి శాంతి, సహనాన్ని ఎప్పుడు భారత్ విడువలేదు. సహనం పట్టుదల ఉంటె ఎంత గొప్ప స్థాయికైనా వెళ్ళవచ్చు అనే పెద్దల మాట, భారత్ విషయంలో నిజమవబోతుంది. భారత్ సహనం, ఇన్నాళ్లకు ఆ దేశాభివృద్ధికి అడుగులు వేయిస్తుంది. అంటే విదేశీ పెట్టుబడులు వస్తేనే అభివృద్ధి అనేమీ కాదు, కానీ స్వదేశీ సంస్థల కు ప్రభుత్వాలు వెన్నుదండుగా ఉండే అవకాశాలు కనిపిస్తున్నందున అన్ని విధాలా భారత్ కు రానున్న రోజులు ఆశాజనకమైనవే అంటున్నారు నిపుణులు.
భారతదేశానికి ఇప్పటివరకు వచ్చిన విదేశీ పెట్టుబడుల గణాంకాలు గమనిస్తే, గత ఏడేళ్లలో 127శాతం పెరిగాయి. మొత్తం ఈ పెట్టుబడుల విలువ 2013-14 లో 36.05 బిలియన్ డాలర్లుగా ఉంటె, 2014-15 లో 45.15 బిలియన్ డాలర్లు, 2015-16 లో 55.56 బిలియన్ డాలర్లు, 2016-17 లో 60.22 బిలియన్ డాలర్లు, 2017-18 లో 60.97 బిలియన్ డాలర్లు, 2018-19 లో 62 బిలియన్ డాలర్లు, 2019-20 లో 74.39 బిలియన్ డాలర్లు, 2020-21 లో 81.97 బిలియన్ డాలర్లుగా ఉన్నాయి.
