అదే జిల్లాకు చెందిన మరో సీనియర్ నేత, మంత్రి పెద్దిరెడ్డి రామచంద్రా రెడ్డికి రోజాకు ఏ మాత్రం పొసగదు. రోజాకు మంత్రి పదవి ఇవ్వడం ముందు నుంచి పెద్దిరెడ్డి కి ఏ మాత్రం ఇష్టం లేదని చెపుతుంటారు. ఒక వేళ జగన్ నూటికి నూరు శాతం మంత్రి వర్గాన్ని మార్చేసినా కూడా పెద్దిరెడ్డి మాత్రం రోజాకు మంత్రి పదవి ఇవ్వడాన్ని ఎంత మాత్రం ఇష్టపడడం లేదని టాక్ ?
చంద్రగిరి ఎమ్మెల్యే చెవిరెడ్డి భాస్కర్ రెడ్డికో లేదా తన సోదరుడు అయిన తంబళ్లపల్లి ఎమ్మెల్యే పెద్దిరెడ్డి ద్వారకా నాథ్ రెడ్డికో మంత్రి పదవి ఇవ్వాలని ఆయన కోరుతున్నారే తప్పా రోజాకు మాత్రం మంత్రి పదవి వద్దే వద్దంటున్నారట. అయితే ఈ సారి మంత్రి పదవి రాకపోతే మాత్రం రోజా స్ట్రాంగ్ రియాక్షన్ ఇచ్చేందుకు రెడీ గానే ఉన్నట్టు పార్టీ వర్గాల్లో చర్చ జరుగుతోంది.
ఈ సారి రోజా ప్రెస్ మీట్ పెట్టే తనకు మంత్రి పదవి రాకుండా చేసిన వారిపై భగ్గుమంటారని.. ఈ విషయంలో ఆమె తాడో పేడో తేల్చుకునేందుకు సిద్ధంగా ఉన్నారని అంటున్నారు. అదే జరిగితే పార్టీలో పెద్ద బాంబు పేలినట్టే అవుతుంది. మరి జగన్కు వ్యతిరేకంగా రోజా ఆ సాహసం ఎంత వరకు చేస్తారో ? చూడాలి.