ఈ పరిణామాలు ఆలోచించకుండానే చైనా లాంటి దేశాలు తాలిబన్ వ్యవస్థను ప్రోత్సహించాయా అంటే, అవసరం తీరేవరకు వాళ్ళు ఆ దేశంతో వినయంగా నడుచుకుని ఉండటంతో చైనా కూడా బుట్టలో పడినట్టే ఉంది. అందుకే దానికి కూడా తెలియకుండే ఆ దేశంలోనే తీవ్రవాదులు స్థావరాలు ఏర్పాటు చేసుకోగలిగారు. ప్రస్తుతం చైనా పరిస్థితి కూడా తీవ్ర సంక్షోభంలోనే ఉంది. తాజాగా ఆహార సంక్షోభం కూడా లేవనెత్తడంతో అక్కడ ప్రజల దుస్థితి కూడా పాక్, ఆఫ్ఘన్ కంటే మెరుగ్గా ఏమీ ఉన్నట్టు అనుకోవాల్సిన పనిలేదు. అయినా సరిహద్దు దేశాలపై లేనిపోని కవ్వింపులు మాత్రం జిన్ మానుకోవడం లేదు. అధికారం కోసం ఎంతదూరం అయినా వెళ్లేందుకు సిద్ధం అంటున్న కొద్దీ ఒక్కో సమస్య జిన్ పై పడుతూనే ఉంది. కరోనా కూడా మరోసారి అక్కడ విజృంభిస్తుంది. ఇలా చైనా నిండా సమస్యలతో సతమతం అవుతూనే ఉంది.
తాజాగా ఇరాక్ ప్రధాని ఇంటిపై డ్రోన్ సాయంతో దాడులకు పాల్పడ్డారు ముష్కరులు. అయితే ఈ ప్రమాదం నుండి ముస్తఫా తప్పించుకోగలిగారు. బాగ్దాద్ లో జరిగిన ఈ ఘటనలో పలువురు స్థానికులు గాయపడ్డారు. అక్కడ జరుగుతున్న ర్యాలీ లో బాంబు పేలుడు సంభవించిందని ఇరాన్ సైన్యం ప్రకటించింది. ఈ దాడులకు తామే అని ఇంకా ఎవరు ప్రకటించలేదని వారు తెలిపారు. ఈ దాడి నేపథ్యంలో ప్రముఖుల నివాసాల వద్ద భద్రత కట్టుదిట్టం చేశారు.