అలాగే, బండి సంజయ్ మొద‌ట‌గా ఎమ్మెల్యేగా పోటీ చేసి ఓడిపోయారు. త‌రువాత ఎంపీగా పోటీ చేసి భారీ మెజారిటీతో గెలిచారు. దీనికి కారణం కూడా కేసీఆర్ నాడు వ్య‌వ‌హ‌రించిన తీరుకు బండి సంజయ్ కౌంటర్ ఇచ్చారు. దాంతో సింప‌తి వ‌చ్చి గెల‌వ‌గ‌లిగారు. దానికి మించి బండి సంజ‌య్‌ను బీజేపీ చీఫ్‌గా నియ‌మిస్తే రాని ప్రచారం కేసీఆర్, కేటీఆర్ టార్గెట్ చేయ‌డంతో వ‌చ్చింది. ఇప్పుడు బండి సంజయ్ త‌నకు స‌మ ఉజ్జి అన్న రీతిలో కేసీఆర్ మాట్లాడ‌డం, విమ‌ర్శించ‌డంతో కీలక నేత‌గా త‌యారు అయ్యారు. ఈ మ‌ధ్య‌లో ఈట‌ల‌కు కూడా రాష్ట్ర స్థాయిలో గుర్తింపు తెచ్చిన నేత‌గా కేసీఆర్ అనే చెప్పుకోవాలి. ఇన్ని రోజులు ఒక నియోజ‌క‌వ‌ర్గానికి పరిమితం అయ్యి, రాష్ట్ర మంత్రిగా బాధ్య‌త‌లు నిర్వ‌హించినా రానీ ప్రచారం, ఫేమ‌స్ కేసీఆర్ వ్య‌వ‌హారం కార‌ణంగా వ‌చ్చింద‌ని రాజ‌కీయ విశ్లేష‌కులు భావిస్తున్నారు. దీనికి కేసీఆర్‌కు రుణ‌ప‌డి ఉండాల్సిన అవ‌స‌రం ఉంది.
