తాము తాలిబన్లకు వ్యతిరేక అంటూ చెబుతున్న ఐఎస్ఐస్ఐ తీవ్రవాదులు ఆఫ్ఘనిస్థాన్లో వరుసగా బాంబు పేలుళ్లకు పాల్పడుతున్నారు. అంతే కాదు తాలిబన్లకు సవాలు విసురుతూ ఉండడం గమనార్హం. తాలిబన్లు ఉన్నారు అంటూ కారణం చెబుతూ ఇప్పటికే ఎన్నో ప్రాంతాల్లో బాంబు పేలుళ్ళకు పాల్పడ్డారు తీవ్రవాదులు. దీంతో ఏ క్షణంలో ఎక్కడ బాంబు దాడి జరుగుతుందో అని ఆఫ్ఘనిస్తాన్ ప్రజలందరూ ప్రాణాలను అరచేతిలో పెట్టుకుని బతుకుతున్నారు. ఇలా ఇప్పటికే దేశవ్యాప్తంగా పలు ప్రాంతాల్లో తాలిబన్లు బాంబు పేలుళ్లకు పాల్పడ్డారు.
ఈ బాంబు పేలుళ్లలో తాలిబాన్లు చనిపోవడం ఏమో కానీ ఎంతోమంది అమాయక ప్రజలు ప్రాణాలు కోల్పోయారు. ఇక మరోసారి ఆఫ్ఘనిస్థాన్లో ఐఎస్ ఐఎస్ కే తీవ్రవాదులు మరో ఘాతుకానికి పాల్పడ్డారు. ఇప్పటికే వరుసగా శుక్రవారం శుక్రవారం పేలుళ్ళు సంభవిస్తా ఉండగా ఇటీవల శనివారం కూడా పేలుళ్లు సంభవించటం సంచలనంగా మారింది. ఆఫ్ఘనిస్థాన్ రాజధాని కాబూల్లో తాలిబన్లు చెక్పోస్టు సైడ్ నుంచి వెళ్తున్న ఒక మినీ బస్సును టార్గెట్ చేస్తూ బాంబు దాడికి పాల్పడ్డారు ఇక ఈ బాంబు దాడిలో ఐదుగురు అక్కడికక్కడే మరణించగా మరో ఆరుగురు తీవ్రంగా గాయ పడినట్లు తెలుస్తుంది. అయితే తాలిబన్లు ఉన్నారు అన్న కారణంతోనే బాంబు దాడికి పాల్పడినట్లు ఐఎస్ఐఎస్కే తీవ్రవాదుల ప్రకటించారు.
