ప్రస్తుతం ప్రతి పట్టణంలో కూడా ఆర్టీసీ కొరియర్, పార్శిల్ సర్వీసులు అందుబాటులో ఉన్నాయి. ప్రతి బస్టాండ్‌లో కూడా సర్వీసు పెట్టింది ఆర్టీసీ. అదే సమయంలో తిరుపతి, రాజమండ్రి, విజయవాడతో పాటు అన్ని జిల్లా కేంద్రాల్లో డోర్ డెలివరీ కూడా చేస్తోంది ఆర్టీసీ. కార్గో పార్శిల్ కోసం ప్రత్యేక వాహనాలను కూడా ఏర్పాటు చేసింది. ఇప్పుడు కొత్తగా గ్రామీణ ప్రాంతాల కోసం... గ్రామీణ ప్రాంతాల నుంచి కేజీ లోపు పార్శిల్ కవర్లను బస్టాండ్‌లకు వెళ్లకుండా... నేరుగా బస్సుల్లోనే బుక్ చేసుకునేలా ఆర్టీసీ ప్లాన్ చేస్తోంది. గ్రామీణ ప్రాంతాలకు వెళ్లే బస్సుల్లో నేరుగా కండక్టర్ల వద్దే పార్శిల్ బుక్ చేసుకునే అవకాశం ఇస్తోంది ఆర్టీసీ. ఇందుకోసం టిమ్స్ మిషన్‌ ద్వారా టికెట్ కూడా ఇస్తారు. ఆ రశీదు నెంబర్ చెబితే చాలు... బుక్ చేసుకున్నా పార్శిల్ కవర్ ఇచ్చేస్తారు. అయితే కేజీ లోపు కవర్ మాత్రమే కండక్టర్ దగ్గర అనుమతి ఇస్తున్నారు. దీని కోసం ప్రత్యేకంగా టికెట్ ధరలు కూడా ప్రకటించనున్నారు. దూరాన్ని బట్టి ధర నిర్ణయిస్తున్నట్లు తెలుస్తోంది.
