పార్టీలో ఉన్న కొంతమంది కీలక నాయకులు బయటకు వెళ్లి పోయే అవకాశం ఉందని రేవంత్ రెడ్డి వైఖరి నచ్చక చాలామంది నాయకులు పార్టీకి రాజీనామా చేయడానికి ఈ మధ్య కాలంలో కొంత మంది అనుచరులతో చర్చలు జరుపుతున్నారని పార్టీలో ఉన్న సీనియర్ నేతలు పార్టీ కోసం పని చేయడానికి ముందుకు రాకుండా టిఆర్ఎస్ పార్టీ తో స్నేహం చేస్తున్నారని ఆ పార్టీలోని కొంతమంది ఆవేదన వ్యక్తం చేసే పరిస్థితి ఉంది. రేవంత్ రెడ్డి ఏదైనా కార్యక్రమానికి పిలుపునిస్తే కొంతమంది కాంగ్రెస్ పార్టీ నాయకులు అలాగే ఇద్దరు ముగ్గురు ఎమ్మెల్యేలు మినహా పెద్దగా ఎవరూ బయటకు రావడం లేదు.
కాంగ్రెస్ పార్టీలో యువ నాయకులు గా చెప్పుకునే వారు అలాగే గ్రేటర్ హైదరాబాద్ పరిధిలో ఉన్న కొంతమంది కీలక నాయకులు కూడా బయటకు రాకపోవడంతో రేవంత్ రెడ్డి ఇప్పుడు ఇబ్బందులు ఎదుర్కొంటున్నారు అనే వ్యాఖ్యలు వినిపిస్తున్నాయి. రాజకీయంగా ఇప్పుడున్న పరిస్థితుల్లో కొన్ని కొన్ని అంశాలు కాస్త చర్చనీయాంశంగా మారుతున్న తరుణంలో కాంగ్రెస్ పార్టీ నాయకులు చాలా జాగ్రత్తగా ఉండాల్సిన అవసరం ఉన్నా సరే సమర్థవంతంగా వ్యవహరించడం లేదనే ఆరోపణలు ఎక్కువగా వినబడుతున్నాయి. ఏది ఎలా ఉన్నా సరే రేవంత్ రెడ్డి మాత్రం ఒంటరి పోరాటం చేయడం కాస్త ఆందోళన కలిగించే అంశంగా చెప్పాలి.