రాజ‌ధాని క‌థ ఓ విధంగా మ‌ళ్లీ మొద‌టికే వ‌చ్చింది. అటు తిరిగి ఇటు తిరిగి ఇంత‌కాలం కోర్టులలో న‌లిగి, రోడ్ల‌పై నినాదాలుగా వెలిగి మ‌ళ్లీ ఈ క‌థ మొద‌టికే వ‌చ్చింది. అందుకే చంద్రబాబు గురించి ఆయ‌న చేప‌ట్టిన రాజ‌ధాని గురించి మాట్లాడుకోవ‌డం తిట్టుకోవ‌డం ఆపి ఇక‌పై అయినా ఏదో ఒక‌టి చేయాలి. ఆ విధంగా ప‌నులు చేప‌ట్టాలి. జగన్ ఎత్తుగడ ఏంటంటే చంద్రబాబు గురించి ఇక మాట్లాడుకునేలా లేదా ఆయ‌న ఏడుపులు గురించి ఇక ఏమీ వినిపించ‌నీయ‌కుండా కొత్త‌గా ఈ అంశం అసెంబ్లీలో ప్ర‌వేశ‌పెట్టి త‌న వాద‌న ఏంట‌న్న‌ది వినిపించారు.అయితే ఇంత‌కాలం చంద్రబాబు అది చేయ‌లేదు ఇది చేయ‌లేదు అని అనేకన్నా ఇప్పటికిప్పుడు ప్ర‌జ‌ల కోసం జగన్ ఏం చేస్తారు అన్న‌దే ముఖ్యం. అదే వాద‌న‌ను ఆయ‌న కూడా వినిపించాలి. వెనుక‌బ‌డిన ప్రాంతాల అభివృద్ధి అంతా కీల‌కంగా మారిపోయింది. కానీ అందుకు త‌గ్గ ప్ర‌ణాళిక‌లు అయితే ప్ర‌భుత్వం ద‌గ్గ‌ర లేవు. ఇంత‌కాలం చంద్ర‌బాబును తిట్టిన తిట్టు తిట్ట‌కుండా తిట్టిన వైసీపీ ఇక‌పై కూడా అదే ప‌ని కొన‌సాగించ‌కుండా అభివృద్ధి చేయాలి. జ‌నం త‌న‌కోసమే అనుకునేలా చంద్ర‌బాబును మ‌రిచిపోయేలా జగన్ ప‌నిచేయాలి. ఇలాంటి ఎత్తుగడ ఏదో జగన్ అనుకోవాలి. అంటే చంద్రబాబు ఏడుపులు క‌న్నా అభివృద్ధి విష‌య‌మై తాను వినిపించే న‌వ్వులే కీల‌కం కావాలి జగన్ కు. అదే ఎత్తుగడ అయితే బాగుంటుంది. కానీ ఆ విధంగా ప‌రిణామాలు ముందున్న కాలంలో ఉంటాయా లేదా అన్న‌ది ఓ డౌట్.
