ఏపీ రాజకీయాల్లోకి సినీ ప్రముఖులు రావడం కొత్తేమీ కాదు.. తొలినాళ్లలో సీనియర్ ఎన్టీఆర్ తెలుగుదేశం పార్టీ పెట్టి.. ప్రజల్లోకి వెళ్లి విజయం సాధించారు. ఆ తర్వాత మెగాస్టార్ కూడా పార్టీ పెట్టారు. ఇటీవలే పవన్ కళ్యాణ్ కూడా పార్టీ పెట్టి ప్రజల్లో తిరుగుతున్నారు. అయితే ఇప్పుడు జూనియర్ ఎన్టీఆర్ వంతు వచ్చింది. ఆయన కూడా పూర్తి స్థాయిలో రాజకీయాల్లోకి వస్తారా.. లేక టీడీపీకి సపోర్ట్ గానే కొనసాగుతారా..? అనేది ఇప్పుడప్పుడే తేలే విషయం కూడా కాదు. ప్రస్తుతానికి ఎన్టీఆర్ తన అభిమానులను కంట్రోల్ చేయాలని, లేకపోతే పార్టీలో అనవసరమైన అనుమానాలు చెలరేగుతాయని తెలుగుదేశం పార్టీ అభిమానులు మాత్రం చెప్పుకుంటున్నారు. అయితే ఎన్టీఆర్ పై విమర్శలు వచ్చినప్పుడల్లా ఇలాగే అభిమానులు రచ్చ చేయాలనుకుంటున్నారు. టీడీపీతో సంబంధం లేకుండా ఎన్టీఆర్ కి ప్రత్యేక బలం ఉందని చెప్పాలనుకుంటున్నారు.
