ఇలాంటి వ్యూహాలు చైనా కు సహజమే అయినప్పటికీ, అది ఆయా దేశాలను రెచ్చగొట్టి, యుద్ధ వాతావరణం లేవనెత్తాలని చూస్తుంది. బహుశా ఈ వ్యూహం కూడా అందులో భాగం కావచ్చు. కాస్త భూభాగం పోతే పోయింది, దానికోసం మూడో ప్రపంచ యుద్ధం తరహా వాతావరణం తేవడం ఎందుకులే అని ఇతర దేశాలు స్పందించకుండా ఉంటె కాస్త ప్రమాదమే. అలాగని స్పందిస్తే, చైనా కూడా తగిన విధంగా ఆ సందర్భాన్ని తనకు అనుకూలంగా మార్చుకునే పరిస్థితులు ఉన్నాయి కూడా.
ఇలా చైనా అనుక్షణం యుద్ధ వాతావరణం కోసం ప్రయత్నిస్తుంది తప్ప శాంతిని కోరుకోవడం లేదు. దేశం సంక్షోభంలో ఉన్నప్పటికీ దానికి వాతావరణాన్ని ధ్వంసం చేసేందుకే మనసు వస్తుంది. అందుకు కారణం కూడా తెలిసిందే, జిన్ కు అధికారం శాశ్వతంగా కావాలి అంటే ఈసారి కూడా ఏదైనా దేశంతో యుద్ధం చేయాలి, గెలవాలి. అది ఆయన స్వార్థం కావచ్చుగాక, కానీ ఇక్కడ ఎన్నో దేశాలు నలిగిపోయే అవకాశం ఉంది. ఇప్పటికే కరోనా తో నలిగిపోయిన దేశాలు మళ్ళీ యుద్ధం అంటూ మొదలుపెడితే, మరింతగా ఆర్థిక పరిస్థితి దిగజారిపోతోంది. ఇదంతా ఆలోచిస్తున్నందున ఎప్పుడు చైనా ఏ వ్యూహంతో తైవాన్ పైకి వెళ్తున్నది అర్ధం కానీ పరిస్థితి నెలకొంది, దానిని అంతర్జాతీయ సమాజం ఎలా స్పదిస్తుంది అనేది కూడా సందేహంగానే ఉంది.