మరి అలాంటప్పుడు నేటి రాజకీయాలకు తగ్గట్టుగా చంద్రబాబు వ్యూహాలు పన్నాల్సిన అవసరముంది. అలా కాకుండా ఇంకా పాతకాలం రాజకీయాలతోనే ముందుకెళితే పావలా ఉపయోగం ఉండదు. అసలు ఏపీలో వైసీపీపై వ్యతిరేకత కనిపిస్తోంది. ఇలాంటి సమయంలో టీడీపీకి పికప్ అవ్వడానికి మంచి ఛాన్స్...అయినా సరే ఆ ఛాన్స్ని ఉపయోగించుకోలేని స్థితిలో టీడీపీ ఉంది. అంటే టీడీపీ పరిస్తితి ఎలా ఉందో అర్ధం చేసుకోవచ్చు. దీనికి ప్రధాన కారణం బాబు వ్యూహాలే...అవే ఓల్డ్ వ్యూహాలతో చంద్రబాబు వెళ్ళడం వల్ల టీడీపీ పుంజుకోవడం లేదు.
ఇప్పుడు ప్రత్యర్ధులపై చేసే విమర్శలు కాస్త ప్రజలకు చేరేలా ఉండాలి. అలా కాకుండా గుడ్డిగా విమర్శలు చేయడం వల్ల ఎలాంటి ఉపయోగం ఉండదు. పైగా తమ పార్టీలో ఉండే తప్పులని ఒప్పుకోవాలి...వాటిని సమీక్షించుకోవాలి. తాజాగా చంద్రబాబు మున్సిపల్ ఎన్నికల్లో ఓటమిపై నేతలతో సమీక్షా సమావేశాలు నిర్వహిస్తున్నారు.
టీడీపీ గెలిచిన చోట మెచ్చుకోవడంలో తప్పు లేదు..కానీ ఓడిపోయిన చోట టీడీపీ తప్పుని ఒప్పుకోకుండా..వైసీపీ అధికార బలం వాడిందని, అరాచకాలు చేసిందని, తమ అభ్యర్ధులని భయపెట్టి గెలిచారని చెప్పడంలో ఏమి ఉపయోగం ఉండదు. ఒకవేళ వైసీపీ అధికార బలం ఉపయోగించి గెలిచి ఉండొచ్చు...కానీ ఆ అధికార బలానికి టీడీపీ ఏ విధంగా చెక్ పెట్టిందనేది ముఖ్యం. ఎందుకంటే టీడీపీ గెలిచిన చోట అదే వైసీపీని ఢీకొట్టింది. మరి అలాంటిది ఓడిన చోట టీడీపీ తప్పుని ఒప్పుకోకుండా, వైసీపీ అరాచకం అనే చెప్పుకోవడం వల్ల యూజ్ లేదు.