వైఎస్ జగన్ చిన్నతనం నుండే తోటి వారికి సహాయం చేయాలనే ఆలోచనలు, ప్రత్యేకమైన ఆలోచన విధానం కళ్ళకు కట్టినట్టు కనిపించేవట. జగన్ గారు 1972 లో పులివెందులలో జన్మించారు. అందుకే ఈయనని రాయలసీమ ముద్దుబిడ్డ అని పిలుస్తుంటారు. ప్రాథమిక అభ్యాసం అంతా అక్కడే జరిగింది, ఆ తర్వాత 12 వ తరగతి హైదరాబాద్, బేగంపేట్ లోని పబ్లిక్ స్కూల్లో అభ్యసించారు. అనంతరం నిజాం కాలేజీలో బీకాం లో చేరి డిగ్రీ పట్టా పొందారు. ఆ తర్వాత పై చదువులు కోసం లండన్ వెళ్ళారు. కానీ కొన్ని కారణాల వలన అక్కడ చదువు మధ్యలోనే ఆపి తిరిగి వచ్చేశారు. 1996 లో ఆయనకి 24 ఏళ్ల వయసులో డాక్టర్ గంగి రెడ్డి కుమార్తె భారతితో వివాహం అయ్యింది.
వీరికి ఇద్దరు కుమార్తెలు పెద్ద కూతురు వర్ష రెడ్డి, చిన్న కుమార్తె హర్ష రెడ్డి కాగా, పెద్ద కుమార్తె వర్ష లండన్ స్కూల్ ఆఫ్ ఎకనామిక్స్‌లో సీటును సంపాదించి విద్యార్థులకు ఆదర్శంగా నిలిచారు. అప్పట్లో ఈ విషయం సంచలనంగా మారింది. రాజకీయాలకు రాక ముందు వై ఎస్ జగన్ బెంగుళూరు లోని లాంకో హిల్స్ లో వర్క్ చేశారు. ఓ వైపు బిజినెస్ పరంగా బిజీగా ఉంటూనే 2009 లో కడప ఎం.పీ గా పోటీ చేసి విజయాన్ని అందుకున్నారు. అలా ఆయన రాజకీయ ప్రస్థానం మొదలయ్యింది. సొంత పార్టీ తో 70 సీట్లు సాధించిన ఘనత కీర్తి ప్రతిష్టలు దివంగత నటుడు, నేత ఎన్ఠీఆర్ తర్వాత జగన్ గారికే దక్కింది.
