నెల్లూరు జిల్లా నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి సొంతంగా జనాల్లోకి వెళుతున్నారు. ఆయన తన క్రేజ్ ను పెంచుకునే ప్రయత్నం చేస్తున్నారు. మరోవైపు చిత్తూరు జిల్లా నగరి ఎమ్మెల్యే రోజా సొంత పార్టీ మంత్రులు , ఎమ్మెల్యేలు నేతల నుంచి ఎలాంటి ఇబ్బందులు ఎదుర్కొంటున్నారో చూస్తూనే ఉన్నాం. అక్కడ రోజా ని వ్యతిరేకిస్తున్న వర్గం వచ్చే ఎన్నికల్లో ఆమెకు ఎట్టి పరిస్థితుల్లో టిక్కెట్ రానివ్వమని సవాళ్ల మీద సవాళ్లు చేస్తోంది. దీంతో రోజా సైతం పార్టీ అధిష్టానంతో సంబంధంలేకుండా ప్రజల్లోకి వెళ్లి పట్టు పెంచుకునే ప్రయత్నం చేస్తున్నారు.
ఇక రాజధాని జిల్లాలో అయిన కృష్ణా - గుంటూరు జిల్లాలో పది మందికి పైగా ఎమ్మెల్యేలకు వచ్చే ఎన్నికల్లో టిక్కెట్ వస్తుందన్న గ్యారెంటీ లేదట. పైగా రాజధాని ప్రభావంతో ఈ రెండు జిల్లాల్లో వైసీపీపై తీవ్రమైన వ్యతిరేకత ఉంది. దీనికి తోడు సిట్టింగ్ ఎమ్మెల్యేలపై కూడా కొంత వ్యతిరేకత ఉంది. వచ్చే ఎన్నికల్లో వీరిని కొనసాగిస్తే ఈ రెండు జిల్లాల్లో ఎక్కువ సీట్లలో పార్టీ ఓడిపోతుందని తెలుసుకున్న జగన్ చాలామంది సిట్టింగులను పక్కనపెట్టేయాలని నిర్ణయం తీసుకున్నారట.
దీంతో ఇప్పుడు ఈ రెండు జిల్లాల వైసిపి ఎమ్మెల్యేలు టెన్షన్ టెన్షన్ గా ఉంటున్నారు. మరికొందరు ఎమ్మెల్యేలు మాత్రం జగన్ టిక్కెట్ ఇవ్వకపోయినా రెబల్ గా అయిన పోటీ చేసి సత్తా చాటాలని డిసైడ్ అయిపోయారట.