అయితే ఎన్నికల కోసం ఇప్పటికే దూకుడు మీదున్న నవజ్యోత్ సింగ్ సిద్ధూకు బ్రేకులు వేస్తోంది కాంగ్రెస్ అధిష్ఠానం. ఇప్పటికే సీఎం రేసులో తాను ఉన్నట్లు తన వర్గం నేతలతో సిద్ధూ పలు మార్లు వ్యాఖ్యానించారు కూడా. అయితే ఈ విషయంపై రాష్ట్ర శాఖకు ఏఐసీసీ అధిష్ఠానం కీలక ఆదేశాలు జారీ చేసింది. ముఖ్యమంత్రి అభ్యర్థి ఎవరూ అనేది ఇప్పుడే ప్రకటించేది లేదని కాంగ్రెస్ అధిష్ఠానం ఆదేశించింది. వచ్చే ఎన్నికల్లో పార్టీ విజయం కోసం ప్రతి ఒక్కరూ కష్టపడి పని చేయాలని కూడా ఆదేశించింది కాంగ్రెస్. పార్టీ మరోసారి అధికారంలోకి వచ్చేందుకు అందరూ కృషి చేయాలన్నారు. సీఎం అభ్యర్థిని ప్రకటించరాదని స్పష్టమైన ఆదేశాలిచ్చింది అధిష్ఠానం. పార్టీలో వివిధ వర్గాల మధ్య సయోధ్య కోసమే ఈ నిర్ణయం తీసుకున్నట్లు తెలుస్తోంది. ముందుగా సీఎం అభ్యర్థిని ప్రకటిస్తే... లేనిపోని సమస్యలు వస్తాయని కూడా కాంగ్రెస్ భావిస్తోంది. అందుకే ముఖ్యమంత్రి ఎవరనేది ముందే ప్రకటించకూడదని కూడా హైకమాండ్ భావిస్తోంది. దీంతో ఇప్పుడు హై కమాండ్ నిర్ణయం... సిద్ధూ వర్గానికి పెద్ద బ్రేకు వేస్తోంది.
