కాకపోతే టీడీపీకి తమ అవసరం ఉందని భావించి జనసేన నేతలు డిమాండ్ చేస్తున్నారు. అయితే పొత్తుపై ఇప్పుడే తొందరపడి మాట్లాడవద్దని పవన్, జనసేన నేతలకు సూచిస్తున్నారు. సమయం బట్టి పొత్తుల గురించి మాట్లాడదామని అంటున్నారు. అంటే పొత్తు వద్దు అనడం లేదు గానీ, తర్వాత మాట్లాడదాంలే అంటున్నారు. అంటే పవన్‌కు పొత్తుపై ఆసక్తి ఉందని చెప్పొచ్చు. అయితే ఇక్కడ పొత్తు పెట్టుకుంటే ఎవరికి బెనిఫిట్, పెట్టుకోకపోతే ఎవరికి నష్టం అనేది చూస్తే...పొత్తు పెట్టుకుంటే రెండు పార్టీలకు లాభం ఉంది..పెట్టుకోకపోతే రెండు పార్టీలకు నష్టం ఉంది. అయితే ఇక్కడ పొత్తు పెట్టుకుంటే టీడీపీకి వచ్చే లాభం ఏంటంటే..కాపుల ప్రభావం ఉన్న నియోజకవర్గాల్లో జనసేన ఓట్లు టీడీపీకి కలిసి గెలిచే అవకాశాలు ఉన్నాయి.
అలాగే అసలు జనసేనకు ఏ మాత్రం బలం లేని నియోజకవర్గాల్లో టీడీపీ ఓట్లు కలిసి జనసేన గెలిచే అవకాశాలు ఉన్నాయి. జనసేన మద్ధతుతో టీడీపీ అధికారంలోకి వచ్చే ఛాన్స్ ఉంటుంది. అదే సమయంలో పొత్తుల వల్ల కొందరు టీడీపీ నేతలు నష్టపోతారు..సీట్లు కోల్పోతారు. జనసేనకు ఆ ఇబ్బంది లేదు. ఎందుకంటే జనసేనకు రాష్ట్రంలో పెద్ద బలం లేదు. మొత్తానికి చూసుకుంటే పొత్తు వల్ల జనసేనకు ప్లస్ ఎక్కువ ఉండగా, టీడీపీకి ప్లస్, మైనస్‌లు కూడా ఉన్నాయి.
