అయితే.. 5 జీ సేవలు ప్రారంభం అయితే.. విమానయాన సంస్థలకు ఇబ్బందులు తలెత్తుతాయన్న అభిప్రాయం ఉంది. అందుకే.. ఎయిర్‌పోర్టు సంస్థల అభ్యంతరాలతో అమెరికాలోని కొన్ని విమానాశ్రయాల చుట్టూ 5జీ సర్వీసులను తాత్కాలికంగా ఆపేశాయి. మిగిలిన చోట్ల మాత్రం 5జీ సేవల్ని ప్రారంభించాయి. ఈ రకంగా ప్రస్తుతానికి విమానాలకు అంతరాయం లేకుండా అమెరికాలో 5జీ సేవలు ప్రారంభం అయ్యాయి.
బుధవారం నుంచి 5జీ సేవలు ప్రారంభిస్తామని ఈ రెండు టెలికాం సంస్థలు ముందే చెప్పాయి. దీంతో ప్రపంచ వ్యాప్తంగా ప్రధాన విమానయాన సంస్థలు అమెరికాకు వెళ్లాల్సిన తమ విమానాల సమయాలను రీషెడ్యూల్‌ చేశాయి. ఎయిరిండియా కూడా అమెరికాకు వెళ్లాల్సిన కొన్ని విమానాలను నిలిపేసింది. అయితే.. అసలు 5 జీ సేవలకు విమానాలకూ లింకేమిటి అనుకుంటున్నారా..? 5 సేవలు అందించే స్పెక్ట్రమ్‌ ఫ్రీక్వెన్సీ, విమానయాన సంస్థల సిగ్నల్స్‌ ఫ్రీకెన్వీ దగ్గరలోనే ఉంటాయట. 5 జీ అందుబాటులోకి వస్తే విమానయాన సిగ్నల్స్‌ సరిగ్గా పనిచేయక.. ప్రమాదాలు జరిగే అవకాశం ఉందని అనుమానాలు ఉన్నాయి.
వాస్తవానికి అమెరికాలో 5జీ సేవలు 2021 డిసెంబరు 5 నుంచే ప్రారంభం కావాలి. కానీ.. కొన్ని కారణాల వల్ల అది వాయిదా పడుతూ వచ్చింది. అమెరికాలో వెరైజన్‌, ఏటీ అండ్‌ టీ సంస్థలు.. 3.7- 3.98 గిగాహెర్ట్జ్‌ ఫ్రీకెన్సీ బ్యాండ్లలో 5జీ సేవలు అందించేందుకు రూ.లక్షల కోట్ల విలువైన ఆర్డరు దక్కించుకున్నాయి.
