ఇలా ప్రస్తుతం పాపులర్ గా మారిపోయిన ఎన్నో పాటల పై డాన్సులు చేస్తూ పెళ్లి మండపాలకు ఎంట్రీ ఇస్తున్నారు వధూవరులు. ఇలా డాన్సు చేస్తున్న వీడియో లు కూడా ఇటీవల కాలంలో సోషల్ మీడియాలో ఎంతగానో వైరల్ గా మారిపోయాయి. ఇక అచ్చం ఇలాగే తమిళనాడులోని కడలూరు లో ఒక పెళ్లి జరిగింది. నేటి రోజుల్లో ట్రెండ్ ను ఫాలో అవుతూ పెళ్లికూతురు పెళ్లి మండపం లోకి డాన్స్ చేసుకుంటూ వచ్చింది. ఇలా డాన్స్ చేయడమే వివాహం ఆగిపోవడానికి కారణం అయింది. పెళ్లి కూతురు డాన్స్ చేయడంతో ఆగ్రహంతో ఊగిపోయిన వరుడు ఏకంగా అందరిముందే చెంప చెల్లుమనిపించాడు.
కడలూరు కి చెందిన ఓ వ్యాపార వేత్త కుమార్తెకు కొద్ది రోజుల క్రితమే ఎంగేజ్ మెంట్ జరిగగా.. ఇటీవల జనవరి 20వ తేదీన వివాహం నిశ్చయించారు. బంధు మిత్రులందరికీ నూతన వధూవరులను ఆశీర్వదించేందుకు వచ్చారు. ఇక పెళ్లి మండపానికి వచ్చే సమయంలో పెళ్లి కూతురు తన బంధువులతో కలిసి డ్యాన్స్ చేసుకుంటూ వేదిక వరకు వచ్చింది. పెళ్లి కూతురు డాన్స్ చేయడం వరుడికి మాత్రం నచ్చలేదు. దీంతో కోపాన్ని పట్టలేకపోయాడు. దీంతో ఎందుకు డాన్స్ చేసావు అంటూ అందరి ముందు నిలదీశాడు. ఇద్దరి మధ్య మాటా మాటా పెరిగింది. ఇక విచక్షణ కోల్పోయిన వరుడు వధువు చెంప చెల్లుమనిపించాడు. ఆ అమ్మాయి కూడా అతని చెంప పగల గొట్టింది. ఇదంతా వధువు తండ్రి ముందే జరిగింది. ఇలాంటి అల్లుడు నాకొద్దు అంటూ వరుడు తరపు బంధువులు అందరికీ పంపించేశాడు. ఇక వారి బంధువుల లోనే ఒక అబ్బాయిని చూసి అదే ముహూర్తానికి పెళ్లి చేశాడు.
