ముఖ్యంగా కేసీఆర్ కు దేశ రాజ‌కీయాల్లో సహక‌రించే శ‌క్తులు ఏంట‌న్న‌ది చ‌ర్చించుకోవాలి ఇవాళ.ఆయ‌న‌ను ఫ్రంట్ కు ఒక స‌మ‌న్వ‌యక‌ర్త‌గానే చూస్తారు కానీ ఆయనే ప్ర‌ధాని అభ్యర్థి అంటే ఎవ్వ‌రూ అంగీకరించరు గాక అంగీకరించరు. అంతేకాదు ఎప్ప‌టి నుంచో ఆయ‌న ద‌క్షిణాది రాష్ట్రాల మధ్య స‌ఖ్య‌త తీసుకువ‌చ్చి కేంద్ర‌పై పోరాటం చేయాల‌ని అనుకుంటున్నారు.కానీ ఇది కూడా ఫలితం ఇవ్వ‌ని ప్ర‌క‌టనే!ఇంకా చెప్పాలంటే త‌మిళ నాడు సీఎం స్టాలిన్ ఇవాళో రేపో కాంగ్రెస్ తోనే పొత్తు పెట్టుకుంటారు అన్న‌ది ఖాయం. కేసీఆర్ ఇవాళ క‌మ్యూనిస్టుల‌తో వెళ్లీ క‌ల‌ల‌ను సాకారం చేసుకోవాల‌ని భావించినా స‌రైన ఓటు బ్యాంకు లేని క‌మ్యూనిస్టుల‌తో ఆయ‌న సాధించేదేమీ ఉండదు.కేర‌ళ లాంటి ప్రాంతాల‌లో రాణించినా క‌మ్యూనిస్టు సూత్రాలను ప్రజలు పూర్తి స్థాయిలో విశ్వ‌సించే స్థితిలో లేరు అన్న‌ది ఓ వాస్త‌వం.
