భారత్ లో మద్యం అమ్మకాలు జొరందుకున్నాయి..ప్రతి ఏటా గనాంకాలు పెరుగుతున్నాయి.మద్యం అతిగా తాగితే…గుండెకు ముప్పు తెచ్చిపెడుతుందని నిపుణులు హెచ్చరిస్తున్నారు. అయినప్పటికీ చాలామంది మద్యం లేనిదే రోజు గడవదన్నట్లు ప్రవర్తిస్తుంటారు.అయితే మనదేశంలో గతేడాది అత్యధికంగా అమ్ముడుపోయిన విస్కీ బ్రాండ్స్ ఎవో ఓ సారి చూద్దాం.
మెక్ డొవెల్స్ నం1 విస్కీ:
ఈ బ్రాండ్ యజమాని యునైటెడ్ స్పిరిట్స్. వరుసగా మూడో ఏడాది కూడా మొదటి స్థానాన్ని దక్కించుకుంది. యునైటెడ్ స్పిరిట్స్ డైజియా ఆధ్వర్యంలో నడుస్తున్న కంపెనీ…2020లో 25.7 మిలియన్ కేసులను విక్రయించగా, 2021లో ఈ బ్రాండ్ 30.1 మిలియన్ కేసుల అమ్మకాలను నమోదు చేసుకుందట.
ఇంపీరియల్ బ్లూ:
గతంలో అత్యధిక విక్రయాల రికార్డును నమోదు చేసిన బ్రాండ్ ఇది. కానీ 2020లో అమ్మకాలు పడిపోయాయి. అంతకుముందు సంవత్సరాల్లో నమోదు చేసిన గరిష్ఠ విక్రయాల రికార్డును తిరిగి ఛేదించలేకపోతోంది. 2020లో 21.3 మిలియన్ కేసులను విక్రయించగా, 2021లో 24.1 మిలియన్ కేసులు మాత్రమే అమ్ముడయ్యాయి.
ఆఫీసర్స్ చాయిస్:
ఇది కరోనాకు ముందు నాటి రికార్డులను చేరుకోలేకపోతుంది. . అంతకుముందు 30 మిలియన్ కంటే ఎక్కువ కేసులు అమ్ముడుపోయాయి, 2020లో 20.8 మిలియన్ కేసులకు తగ్గింది. 2021లో అమ్మకాలు 23.2 మిలియన్ కేసులుగా ఉన్నాయి.
బ్లెండర్స్ ప్రైడ్:
ఈ బ్రాండ్ చాలా వేగంగా భారత్ లో తన స్థానాన్ని భద్రపరుచుకుంటోంది. 2020లో 6.6 మిలియన్ కేసులు, 2021లో 8 మిలియన్ కేసుల చొప్పున విక్రయాలు నమోదు అయ్యాయి.
బ్యాగ్ పైపర్:
2020లో 5.3 మిలియన్ కేసులు అమ్ముడుపోగా…2021లో 5.6 మిలియన్ కేసులకు విక్రయాలు పెరిగాయి.
రాయల్ చాలెంజ్:
2020లో 4.3 మిలియన్ కేసుల విక్రయాలు నమోదు చేసింది. 2021లో 4.7 మిలియన్ కేసులు అమ్ముడు పోయాయి.
రాయల్ స్టాగ్ :
రాయల్ స్టాగ్ కరోనా ముందు నాటి రికార్డులను దాటిపోయింది. 2020లో 18.5 మిలియన్ కేసులను సంస్థ విక్రయించింది, 2021లో 22.4 మిలియన్ వరకు అమ్మకాలు పెరిగాయి.
హేవార్డ్స్ :
ఈ బ్రాండ్ తన స్థానాన్ని బలోపేతం చేసుకుంటోంది. 2020లో 9.7 మిలియన్ కేసులు అమ్ముడుపోయాయి. 2021లో 12 మిలియన్ కేసులకు విక్రయాలు వృద్ధి చెందింది.
8 పీఎం:
ర్యాడికో ఖైతాన్ కు చెందిన బ్రాండ్ 8 పీఎం. 2020లో 9.4 మిలియన్ కేసుల అమ్మకాలు నమోదు చేసుకుంది. కాగా, 2021లో 11.4 మిలియన్ కేసులు మాత్రమే అమ్ముడుపోయాయి...
ఈ బ్రాండ్స్ కు మార్కెట్ లో మంచి డిమాండ్ ఉంది. అందుకే ప్రతి ఏటా ఈ బ్రాండ్ సేల్స్ భారీగా పెరుగుతున్నాయి.
