ఇటీవల ఇప్పటం గ్రామంలో జరిగిన సంఘటన దీనికి రుజువు అని చెప్పాలి. ఒక రాజకీయ నాయకుడు అన్న మాటను మరిచిపోయి ప్రభుత్వం , సీఎం , పోలీసు వ్యవస్థ ఇలా దేనినీ లెక్క చేయకుండా తాను చేస్తున్న వ్యాఖ్యలు జనసైనికులకే నచ్చడం లేదన్నది బయట వినిపిస్తున్న టాక్. ఇక వచ్చే ఎన్నికలను దృష్టిలో ఉంచుకుని ఒక హామీని పవన్ ప్రజలకు ఇచ్చారు . అయితే దీనిపై రాజకీయంగా హాట్ చర్చ జరుగుతోంది. పవన్ మాట్లాడుతూ నేను కనుక సీఎం అయితే సిపిఎస్ ను రద్దు చేస్తానని ప్రకటించి అటు జగన్ , చంద్రబాబు మరియు ఎంతో మందికి ఆశ్చర్యాన్ని కలిగించాడు. తాను గెలిచిన మరుక్షణమే రెండవ సంతకం ఈ ఫైలు మీదే చేస్తానని హామీ ఇచ్చాడు. ఇప్పటి వరకు ఏపీలో ఎన్నో ప్రభుత్వాలు వచ్చినా, అందులో కొన్ని ప్రభుత్వాలు ఈ హామీ ఇచ్చినప్పటికీ ప్రాక్టికల్ గా దీనిని నెరవేర్చడం కుదరలేదు.
ఈ విషయంపై రాష్ట్రంలోని నాలుగున్నర లక్షల మంది ఉద్యోగులు అసహనంగా ఉన్నారు.. ప్రభుత్వం దృష్టికి పలుమార్లు ఈ విషయాన్ని తీసుకెళ్లినా ఉపయోగం లేకుండా పోయింది. ఒకవేళ ఇది కనుక నెరవేరిస్తే రాష్ట్రం ఆర్ధికంగా ఎంతో వెనుకబడిపోతుందని భావించి ఈ సాహసం చేయలేకపోతున్నారు. ఇవన్నీ తెలిసే పవన్ ఈ హామీ ఇచ్చాడా లేదా బలమైన హామీ ఇస్తే ప్రజల్లో అటెన్షన్ వస్తుందని ఇలా చేశాడా అని రాజకీయ విశ్లేషకులు తలలు పీక్కుంటున్నారు. వీరు చెబుతున్న ప్రకారం ఒకవేళ పవన్ సీఎం అయినా ఈ హామీని నెరవేర్చడం కష్టమే అంటూ తేల్చి పారేశారు.
