డబ్బులను పొదుపు చెయ్యాలని ప్రతి ఒక్కరికి వుంటుంది..అయితే సంపాదించిన డబ్బులను ఎక్కడ సేవ్ చెయ్యాలి అనేది చూసుకోవాలి..అప్పుడే కొంత ఎమౌంట్ ను భవిష్యత్తు ఉపయోగాలకు దాచుకోవచ్చు..వేతన జీవులు ఒకటో తేదీ జీతం తీసుకుంటే.. సగం రోజులు పూర్తి కాకుండానే మళ్లీ ఒకటో తేదీ కోసం ఎదురు చూస్తుంటారు. ముఖ్యంగా యువతలో ఇలాంటివి ఎక్కువ చూస్తాం. మీరు సంపాదించిన సంపాదన ఓ ప్లాన్ ప్రకారం ఖర్చు చేస్తే తప్పకుండా పొదుపు అవుతుందని ఫైనాన్షియల్ ఎక్స్‌పర్ట్స్ చెబుతున్నారు. ఎంత సంపాదించామనే దానికంటే కూడా దానిని ఎలా వినియోగిస్తున్నాం అనేది చాలా ముఖ్యం అంటున్నారు. కొత్తగా సంపాదన ప్రారంభించి భవిష్యత్తు అవసరాల కోసం ఉపయోగించుకునేవారు ఏమి చేస్తే డబ్బులు పొదుపు చేయవచ్చో తెలుసుకుందాం..


సంపాదించిన ప్రారంభ నెలల్లో పెద్ద పెద్ద ఖర్చులకు దూరంగా ఉండాలి. మనకు వస్తున్న ఆదాయం ఎలా ఖర్చవుతుందో కొన్ని నెలల పాటు అబ్జర్వ్ చేయాలి, అద్దె ఎంత చెల్లిస్తున్నాం, ఫోన్ నిర్వహణకు, భోజనం, ప్రయాణం.. ఇలా నిత్యావసరాలకు ఎంత ఖర్చవుతోందనేది అంచనా వేసుకోవాలి. రెగ్యులర్‌ అవసరాలు కాకుండా ఇంకా దేనికి ఎక్కువ ఖర్చు పెడుతున్నామో తెలుసుకోవాలి. ప్రారంభంలోనే ఎక్కువ ఖర్చు పెట్టి విలాసవంతమైన వస్తువులు కొనడానికి దూరంగా ఉండటం మంచిదని సూచిస్తున్నారు నిపుణులు..


ఇకపోతే ఈ రోజుల్లో యువత చాలామంది అనవసరపు ఖర్చులను పెడతారు..గొప్పలకు పోయి అప్పులు కూడా చేస్తున్నా ఘటనలు లేకపోలేదు..యువత చాలా మందిలో బద్దకం అనే సమస్య ఉంటుంది. దీంతో నెలవారీ అద్దె, కరెంట్ బిల్లుతో పాటు, మరికొన్ని బిల్లుల చెల్లింపును ఆలస్యం చేస్తూ ఉంటారు. అందుకే కొన్ని బిల్లులకు ఆటోపే ఆప్షన్‌ ఉంటుంది. దానిని సెట్‌ చేస్తే ఎలాంటి సమస్యా ఉండదంటున్నారు. సంపాదన ప్రారంభించిన యువత వెంటనే క్రెడిట్ కార్డు వంటివి వాడకూడదు. అత్యవసరమైతేనే క్రెడిట్‌ కార్డు తీసుకోవాలంటున్నారు.


ఓ వ్యక్తి తనకు వచ్చే సంపాదనలో భవిష్యత్తు అవసరాల కోసం కొంత పొదుపు చేయడాన్ని తప్పనిసరి చేసుకోవాలి. అలా చేయడం ద్వారా భవిష్యత్తులో అనుకోకుండా వచ్చే ఆర్థిక అవసరాలకు మన దగ్గర పొదుపు చేసుకున్న మొత్తం ఉపయోగపడుతుంది. అలాకాదనంటే అప్పుల భారం పెరిగే అవకాశం ఉంటందున్నారు నిపుణులు. యువత సాధారణంగా అనవసర ఖర్చలు ఎక్కువ చేస్తూ ఉంటారు. అయితే మనం పెట్టే ఖర్చు దేనికోసం చేస్తున్నాం. దానివల్ల మనకు వచ్చే ఫలితం ఏమిటి అని వందసార్లు ఆలోచించి చేస్తే మంచిది..

మరింత సమాచారం తెలుసుకోండి:

Money saving tips

Satvika

09/11/2022 11:00 PM