మంత్రి అనేవారు రాజ్యానికి, ప్రజల బాధను పూర్తిగా అర్థం చేసుకొనేవారు అయ్యి ఉండాలి.. అప్పుడే రాజ్యం బాగుంటుంది.. దేశం బాగుంటుంది.. ఇప్పుడు ఇక్కడ ఇలానే జరిగింది. అదేంటంటే.. ఓ మంత్రి మురికి కాలువ నీటిగా లేదని ఓ పార తీసుకొని గుంతలోకి దిగి అంతా శుభ్రం చేశారు. దోమలు రాకుండా ఇలా చేయాలంటూ హిత బోధ చేశారు. ఇంతకీ ఎవరు ఎంటి ఆ మ్యాటర్ అనే విషయం గురించి తెలుసుకుందాము..
ఇకపోతే ఆయన ఎవరంటే మధ్యప్రదేశ్లో రూలింగ్‌లో ఉన్న కాంగ్రెస్ పార్టీ లీడర్.. మురుగు కాలువలు శుభ్రం చేసేందుకు తానే నడుం బిగించారు. రాష్ట్ర ఆహార, పౌర సరఫరాల పురపాలకశాఖ మంత్రిగా బాధ్యతలు నిర్వర్తిస్తున్న ప్రధుమన్ సింగ్ తోమర్.. గాల్వియర్ నియోజకవర్గంలోని బిర్లానగర్లో పరిశుభ్రత డ్రైవ్ చేపట్టారు. స్థానిక 16వ వార్డులోని మురికి కాలువలోకి దిగి శుభ్రం చేశారు. ఇప్పుడు అది వైరల్ అవుతుంది..
దాదాపు ఎనిమిది అడుగుల లోతునఉండే కాలువలో దాదాపుగా సంవత్సరం నుండి మురికిని తీసివేయక పోవడంతో మరింత ఎక్కువగా పేరుకుపోయి నీళ్ళు పోకుండా అడ్డుకుంటుంది . దానితో రంగంలోకి దిగిన మంత్రి ఆ పూడికను పూర్తిగా అందులో దిగి మరి తీసివేశారు.. అక్కడి ప్రజలు కూడా ఈ విషయంపై ఇబ్బంది పడటంతో ఈ విషయాన్ని మంత్రి ముందు పెట్టారు..
తన దృష్టికి రావడంతో స్పందించిన మంత్రి తానే స్వయంగా మురుగుకాలవలోకి దిగి చెత్త బయటకు వేశారు. దీంతో మంత్రిని నెటిజన్లు ఓ రేంజ్‌లో ప్రైజ్ చేస్తున్నారు. ప్రధుమన్ నియోజకవర్గం వ్యాప్తంగా 30 రోజుల పారిశుద్ధ్య ప్రచార కార్యక్రమం చేపట్టాలని నిర్ణయించారు. ప్రజలకు స్వచ్చతపై అవగాహాన కలిగించేందుకు ఆయన ఇలా చేశారు. ఇక మంత్రి బాగా చేసారు అంటూ అందరూ ఆయనకు జేజేలు..పలుకుతున్నారు..
