పౌరసత్వ సవరణ చట్టం (సిఎఎ) మరియు ప్రతిపాదిత నేషనల్ రిజిస్టర్ ఆఫ్ సిటిజన్‌లకు వ్యతిరేకంగా దేశవ్యాప్త నిరసనలు జరుగుతున్నాయి. శనివారం సాయంత్రం ఇక్కడి జిఎంసి బాలయోగి స్టేడియంలో హైదరాబాద్ ఎఫ్‌సి, ఎటికె కోల్‌కతా మధ్య జరిగిన హీరో ఐఎస్ఎల్ ఫుట్‌బాల్ లీగ్ మ్యాచ్ లో ఈ నిరసనలు ప్రతిధ్వనించాయి.
క్రీడాకారులు ఆధిపత్యం కోసం రసవత్తకరమైన ఫుట్ బాల్ మ్యాచ్ లో నిమగ్నమై ఉన్నప్పటికీ, హైదరాబాద్ విశ్వవిద్యాలయ విద్యార్థులు గా పేర్కొన్న 20 మంది అభిమానుల బృందం, ‘నో ఎన్ ఆర్ సి , నో సిఎఎ’ అని నిరసిస్తూ ప్లకార్డులు నిర్వహించింది. కానీ, ఆతిథ్య నిర్వాహకులకు ఉపశమనాన్ని కలిగిస్తూ, ఈ బృందం సభ్యులు నినాదాలు చేయకుండా నిశ్శబ్ద నిరసన తెలిపారు. ఈ పరిణామక్రమంలో ఏమి జరుగుతుందో అని చెప్పి ఒక ఒక దృశ్యమాన అధికారుల బృందం గ్రౌండ్ మొత్తం పరీక్షించి, నిరసనకారులు శాంతియుతంగా, కేకలు వేయకుండా ప్లే కార్డు ల తో నిరసన తెలపడం తో అధికారులు వారితో మాట్లాడకుండా వెనుదిరిగారు. దీనితో విషయం సద్దుమణిగింది. అక్కడ ఉన్న పోలీసులు కేవలం నిరసన వ్యక్తం చేస్తున్న అభిమానుల చిత్రాలను తీశారు, వారు మ్యాచ్ ముగిసే వరకు ప్లకార్డులను చూపిస్తూ నిశ్శబ్దంగా నిరసన తెలిపి అక్కడి నుండి వెళ్లి పోయారు.
ఎన్డీఏ ప్రభుత్వానికి వ్యతిరేకంగా నినాదాలు చేస్తూ, వివిధ సంస్థలకు చెందిన వందలాది మంది నగరంలో సిఎఎకు వ్యతిరేకంగా నిరసన వ్యక్తం చేశారు. మసాబ్ ట్యాంక్, సంతోష్ నగర్ సహా నగరంలోని వివిధ ప్రాంతాల్లో ర్యాలీ లు జరిగాయి. బాయ్‌కాట్ సిఎఎ మరియు ఎన్‌ఆర్‌సి, స్టాప్ బర్నింగ్ ఇండియా, మరియు డోన్ట్ డివైడ్ పీపుల్ వంటి ప్లే కార్డు లను నిరసనకారులు పట్టుకొని కనిపించారు. చార్మినార్ , ఓల్డ్ సిటీ లోని ఇతర ప్రాంతాల సమీపంలో యజమానులు నిశ్శబ్ద నిరసన పాటించడంతో కొన్ని వ్యాపార సంస్థలు మూసివేయబడ్డాయి. నగరం అంతటా నిరసన శాంతియుతంగా ఉందని హైదరాబాద్ పోలీసులు పేర్కొన్నారు.
