తెలుగులో పత్రికలకు ఇప్పుడు రోజులు ఏమాత్రం బాగా లేవు. నిర్వహణ ఖర్చులు పెరిగిపోయాయి. ఆదాయం తగ్గిపోయింది. డిజిటల్ మీడియా దూసుకొస్తోంది. అందుకే ఇలాంటి ఇబ్బందులతో పత్రికలు మూతబడే రోజులు వస్తున్నాయి. తాజాగా తెలుగులో ఓ పత్రిక మూతపడే అవకాశం కనిపిస్తోంది. ఓ కమ్యూనిస్టు ఛానల్ నడిపిస్తున్న ఆ పత్రిక ఇప్పుడు పీకల్లోతు కష్టాల్లో ఉందని తెలుస్తోంది.
ఇక దాన్ని మూత వేయడం తప్ప యాజమాన్యానికి ఎలాంటి ఆప్షన్ లేదన్న టాక్ వినిపిస్తోంది. అయితే అదే పత్రిక యాజమాన్యంలో ఓ టీవీ ఛానల్ కూడా నడుస్తోంది. విచిత్రం ఏంటంటే.. ఆ టీవీ ఛానల్ కోసం ప్రజల నుంచిచందాలు పోగు చేశారు కూడా.. అంతే కాదు.. దాన్ని ఇటీవల అమ్మేశారు.. అలా అమ్మగా వచ్చిన డబ్బు ఉన్నా.. ఇప్పుడు పత్రికను కూడా క్లోజ్ చేయాలని భావిస్తున్నట్టు తెలుస్తోంది. ఇటీవలే ఆ పత్రికలో పనిచేసే చాలా మంది సబ్ ఎడిటర్లకు గుడ్ బై చెప్పేశారు.
ఇక ఇప్పుడు కొందరు రిపోర్టర్లకు కూడా గుడ్ బై చెబుతున్నారట. విచిత్రం ఏంటంటే.. ఆ కమ్యూనిస్టు పార్టీ నిరంతరం యూనియన్లకు మద్దతుగా, కార్మిక హక్కులకు మద్దతుగా మాట్లాడుతుంటుంది. ప్రపంచ కార్మికులారా ఏకం కండి అనే నినాదంతో నడిచే ఆ సిద్ధాంత పత్రికకు ఇప్పుడు ఎక్కడలేని కష్టాలు వచ్చినట్టు తెలుస్తోంది. అయితే మరో వాదన ప్రకారం పత్రికను మూసేయరని.. కాకపోతే.. ఖర్చులు బాగా తగ్గించుకుని.. లో ప్రొఫైల్ లో నడిపిస్తారని అంటున్నారు.
ఏదేమైనా ఓ పత్రిక మూతబడటం అంటే ఓ వాయిస్ క్లోజ్ కావడమే. ప్రజాస్వామ్యంలో ఎన్ని పత్రికలు ఎన్ని మీడియాలు ఉంటే అంత మంచిది. కానీ ఇవి పత్రికలు రోజులు కాకుండా పోయాయి. మహా మహా పత్రికలే తమ ఖర్చులు తగ్గించుకుంటున్నాయి. ఈ నేపథ్యంలో ఈ పత్రిక మూతబడకుండా నడవాలని ఏపీ హెరాల్డ్ కోరుకుంటోంది.
