ప్రపంచం మొత్తం కరోనా భయంతో వణికిపోతుంది. మొన్నటి వరకు చైనాలో ఉన్న ఈ కరోనా మహమ్మారి ఇప్పుడు ప్రపంచ వ్యాప్తంగా విస్తరించడంతో అన్ని దేశాలు జాగ్రత్తలు పడుతున్నాయి. అయితే భారత్ లో కూడా కరోనా ప్రభావం చూపుతున్న విషయం తెలిసిందే. ఇప్పటికే 128 మందికి పైగా కరోనా కేసులు నమోదు అయ్యాయి. ఈ నేపథ్యంలో క్రేందం అన్ని రాష్ట్రాలకు తగు సూచనలు, సలహాలు ఇస్తున్న విషయం తెలిసిందే. తెలంగాణ ఇతర రాష్ట్రాలు ఇప్పటిే పాఠశాలలు, మాల్స్, థియేటర్లు, క్లబ్బులు ఇతర అన్ని జనసంద్రంగా ఉండే ప్రాంతాల్లో ఆంక్షలు విధించారు.
తాజాగా మహారాష్ట్రలో ఈ కరోనా ప్రభావం బాగా ఉందని అంటున్నారు. ఇక కరోనా ప్రభావంతో ఉత్తర్ ప్రదేశ్ లో సీఎం యోగి ఆదిత్యనాథ్ సంచలన నిర్ణయాలు తీసుకుంటున్నారు. తాజాగా యోగీ ఆదిత్యనాథ్ నేతృత్వంలోని ఉత్తరప్రదేశ్ ప్రభుత్వం మరో సంచలన నిర్ణయం తీసుకుంది. ఈ సంవత్సరం ఒకటి నుంచి 8 తరగతుల విద్యార్థులకు పరీక్షలు నిర్వహించకుండానే, అందరూ ఉత్తీర్ణులయినట్టు ప్రకటించింది. విద్యా శాఖ అదనపు ముఖ్య కార్యదర్శి రేణుకా కుమార్, ఈ మేరకు గత రాత్రి ఆదేశాలు జారీ చేసినట్టు వెల్లడించారు.
యూపీలో మార్చి 23 నుంచి 28 వరకూ ప్రాథమిక పాఠశాల విద్యార్థులకు పరీక్షలు నిర్వహించాల్సి వుంది. "విద్యార్థులందరినీ ప్రమోట్ చేయాలని ఆదేశాలు జారీ చేశాము. ఒకటి నుంచి 8వ తరగతి విద్యార్థులకు ఈ ఉత్తర్వులు వర్తిస్తాయి. అన్ని పాఠశాలలూ ఏప్రిల్ 2 వరకూ మూసివేయబడి వుంటాయి. మిగతా బోర్డు పరీక్షలు ఎప్పుడు జరపాలన్న విషయమై ఏప్రిల్ 2 తరువాత నిర్ణయం తీసుకుంటామని ఆయన స్పష్టం చేశారు. అయితే ఇప్పుడు యూపీ సీఎం తీసుకున్న నిర్ణయం అందరి దృష్టి ఆకర్షిస్తుంది. ఏది ఏమైనా భారత్ లో కరోనా ప్రభావం వల్ల అన్ని వర్గాల నుంచి స్పందన వస్తున్న విషయం తెలిసిందే.
