త్వరలోనే ఆయన పర్యటనకు వచ్చే అవకాశాలు ఉండవచ్చు అని భావిస్తున్నారు. అయితే ఎన్నికల ప్రచారానికి రాహుల్ గాంధీ అంత అవసరమా అనే అభిప్రాయం కూడా వ్యక్తమవుతోంది. మరి ఈ విషయంలో కాంగ్రెస్ పార్టీ అధిష్టానం ఎలా వ్యవహరిస్తుందో అనేది చూడాలి. అయితే తెరాసను ఇబ్బంది పెట్టాలి అంటే మాత్రం రాహుల్ గాంధీ పర్యటన కి వస్తే బాగుంటుంది అని పలువురు వ్యాఖ్యానిస్తున్నారు. కానీ ఒక అసెంబ్లీ స్థానం కోసం జాతీయ పార్టీ అధ్యక్షుడిగా పనిచేసిన వ్యక్తి వస్తారా అనే దానిపై చర్చలు జరుగుతున్నాయి.
అయితే రేవంత్ రెడ్డి సహా ఉత్తమ్ కుమార్ రెడ్డి వంటి వాళ్లు అందరూ ఇప్పుడు రాహుల్ని ఎన్నికల ప్రచారానికి ఆహ్వానించే ఆలోచనలో ఉన్నారని అంటున్నారు. రెండు మూడు రోజుల్లో ఢిల్లీ వెళ్లి రాహుల్ గాంధీకి ఆహ్వానం ఇచ్చే అవకాశాలు ఉండవచ్చు అని తెలుస్తోంది. మరి ఆయన ప్రచారం చేస్తారా లేదా అనేది చూడాలి. టిఆర్ఎస్ పార్టీ విషయానికి వస్తే త్వరలోనే సీఎం కేసీఆర్ దుబ్బాక నియోజక వర్గంలో ఎన్నికల ప్రచారం నిర్వహించే అవకాశాలు ఉన్నాయి. ఈ మేరకు పార్టీ నేతలు ఏర్పాట్లు కూడా చేస్తున్నారని టీఆర్ఎస్ పార్టీ వర్గాలు అంటున్నాయి.