రాజకీయ పార్టీలకు ప్రతిష్ఠాత్మకంగా మారిన దుబ్బాక ఉప ఎన్నికల్లో విజయం సాధించేందుకు ఉన్న ఏ చిన్న అవకాశాన్ని వదులుకోకుండా టీం వర్క్ చేస్తున్నారు . అందుకే.. క్షేత్రస్థాయిలో పార్టీని మరింత బలోపేతం చేసేందుకు అన్ని ప్రణాళికలను సరిగ్గా ఉపయోగిస్తున్నారు. తన సీక్రెట్ టాస్కులో భాగంగా తనకు నమ్మకస్తులైన 20 మంది యంగ్ అండ్ డైనమిక్ కుర్రాళ్లను నాలుగు టీంలుగా విడగొట్టి దుబ్బాక నియాజకవర్గమంతా పరిశీలనకు పంపుతున్నారు.
కాగా ఈ టీంలు దుబ్బాక నియోజకవర్గంలోని ప్రతి ప్రాంతంలోనూ పర్యటిస్తుంది. రోజుకు ప్రతి మండలంలోని నాలుగైదు గ్రామాల్లో సీక్రెట్ గా పర్యటిస్తూ.. క్షేత్రస్థాయిలో ఏమేం జరుగుతుందన్న విషయాల్ని పరిశీలిస్తారు.రాత్రి అయ్యేసరికి తాము సేకరించిన సమాచారాన్ని హరీశ్ కు పంపుతారు. ఉదయం లేచిన వెంటనే.. రాత్రి వచ్చిన నివేదిక ఆధారంగా పనుల్నిపూర్తి చేయటం..ఇందులో ఏమైనా మార్పులు చేయవలసివస్తే హరీష్ రావ్ సెట్ చేయడం..ఇలా జరుగుతూ ఉండడం సీక్రెట్ టాస్క్ పనితనం. ఈ సీక్రెట్ మిషన్ లోని సభ్యులు సాదాసీదాగా గ్రామాల్లో తిరుగుతూ.. అక్కడి పరిస్థితులు ఎలా ఉన్నాయన్న విషయాన్ని గమనించటం.. స్థానికులతో మాట్లాడటం ద్వారా స్థానిక అంశాల్ని సేకరించటం లాంటివిచేస్తున్నారు. ఇవన్నీ ఫలించి ఎన్నికలలో మంచి విజయాన్ని తీసుకురావడంలో ఈ టాస్క్ ఎంతవరకు ఉపయోగపడుతుందో తెలియాల్సి ఉంది.