దీనితో ఒకరి మీద నమ్మకం పెట్టుకుని ప్రజల్లోకి వెళితే మంచిది కాదు అని కేసీఆర్ భావిస్తున్నట్టుగా తెలుస్తోంది. ఇప్పటికే ఆయన వరద బాధిత ప్రాంతాల్లో పెద్ద ఎత్తున పర్యటిస్తున్నారు. దాదాపుగా 10 నియోజకవర్గాల్లో రెండు మూడు రోజుల నుంచి ఎక్కువగా తిరుగుతున్నారు. త్వరలోనే మరిన్ని నియోజకవర్గాలకు వెళ్లి అక్కడి ప్రజలతో ఆయన మాట్లాడే అవకాశాలు ఉన్నాయి. హైదరాబాద్ శివారు ప్రాంతాల్లో కూడా వెళ్లే విధంగా కేటీఆర్ ప్రణాళికలు సిద్ధం చేసుకుంటున్నారు. దాదాపుగా టిఆర్ఎస్ పార్టీ బలంగా ఉన్న నియోజకవర్గాలను పక్కనపెట్టి...
ఇతర నియోజకవర్గాల మీద ఎక్కువగా ఫోకస్ చేస్తున్నారు. గ్రేటర్ హైదరాబాద్ ఎన్నికల్లో ఏ మాత్రం అజాగ్రత్తగా ఉన్నా సరే బిజెపి ఇబ్బందిపెట్టే అవకాశం ఉండవచ్చు అని రాజకీయ పరిశీలకులు అభిప్రాయపడుతున్నారు. కాబట్టి కేటీఆర్ చాలావరకు జాగ్రత్తగానే ముందుకు వెళ్తున్నట్లు తెలుస్తోంది. అటు కేసీఆర్ కూడా కేటీఆర్ కి కొన్ని సూచనలు చేశారట. హైదరాబాదులో ఎవరైతే పని చేయని నేతలు ఉంటారో వారిని పదవి నుంచి తప్పించాలని కార్యనిర్వాహక అధ్యక్షుడిగా ఉన్న కేటిఅర్ కి ఆదేశాలు జారీ చేసినట్లుగా సమాచారం. త్వరలోనే కొంతమంది నేతలపై గ్రేటర్ హైదరాబాద్ పరిధిలో వేటు పడే అవకాశాలు ఉండవచ్చు అని అందరూ భావిస్తున్నారు. అటు మంత్రుల విషయంలో కూడా చాలా సీరియస్ గా ఉన్న సంగతి తెలిసిందే.