ఇంటి నుంచి కాలు బయట పెట్టిన ఆడపిల్ల మళ్లీ క్షేమం గా తిరిగి ఇంటికి వస్తుందా లేదా అని ప్రతిక్షణం తల్లిదండ్రులు భయాందోళనలో బ్రతికే పరిస్థితులు ప్రస్తుత సభ్య సమాజంలో ఉన్నాయి. ముఖ్యంగా ఈ మధ్యకాలంలో ఉత్తర ప్రదేశ్ రాష్ట్రంలో వరుసగా మహిళలపై అత్యాచార ఘటనలు దాడుల ఘటనలు వెలుగులోకి వస్తు సంచలనం సృష్టిస్తున్న విషయం తెలిసిందే. ఇటీవలే దేశవ్యాప్తంగా సంచలనం సృష్టించిన హత్రాస్ ఘటన గురించి మరవకముందే మరెన్నో అత్యాచార ఘటనలు కూడా వెలుగులోకి వచ్చిన విషయం తెలిసిందే.
ఇక ఇప్పుడు మరో దారుణ ఘటన కూడా వెలుగులోకి వచ్చింది. దుర్గా మాత కు పూజలు చేసి వస్తున్న యువతి పై కన్నేసిన ముగ్గురు కామాంధులు ఏకంగా యువతిని అపహరించి నిర్మానుష్య ప్రదేశానికి తీసుకెళ్లి అత్యాచారానికి ఒడిగట్టారు. ఉత్తరప్రదేశ్లోని మహోబా జిల్లా పన్వాడి ప్రాంతంలో ఈ ఘటన చోటు చేసుకుంది. నవరాత్రుల సందర్భంగా దుర్గా మాతకు హారతి ఇచ్చి ఇంటికి వస్తున్న యువతిని అడ్డగించి నిర్మానుష్య ప్రదేశానికి తీసుకెళ్లి అత్యాచారానికి ఒడిగట్టారు. కాగా బాధితురాలి ఫిర్యాదుతో ముగ్గురు నిందితులను అరెస్టు చేసిన పోలీసులు బాధితురాలిని వైద్య పరీక్షల నిమిత్తం యువతిని ఆసుపత్రికి తరలించారు. ఈ ఘటన స్థానికంగా ఒక్కసారిగా సంచలనం గా మారిపోయింది