న్యూస్ ఏజెన్సీ రాయిటర్స్ తెలిపిన వివరాల ప్రకారం.. ఫ్రెంచ్ కంపెనీ పెర్నోడ్ రిచర్డ్, యూకే కంపెనీ డియాజియోకు చెందిన స్కాచ్ మద్యం బాటిళ్ల అమ్మకాలు నిలిపివేస్తున్నట్లు తెలుస్తోంది. ఇప్పటికే క్యాంటీన్ స్టోర్స్ డిపార్ట్ మెంట్ విదేశీ మద్యం బ్రాండ్ల ఆర్డర్లను ఆపివేసింది. ఈ ఏడాది మే, జూలై నెలలో భారత సైనిక, వైమానిక, నావికా దళ ఉన్నతాధికారులతో ప్రధాని నరేంద్రమోడీ సమావేశమయ్యారు. విదేశీ వస్తువులను బహిష్కరించి స్వదేశీ వస్తువులను ప్రోత్సహించాలని ఈ నిర్ణయం తీసుకున్నారు.
అయితే రక్షణ మంత్రిత్వ శాఖ ప్రతినిధి ఈ విషయంపై స్పందించడానికి నిరాకరించారు. ఏ ఉత్పత్తులను నిషేధించాలో జాబితా వెలువడలేదన్నారు. కానీ పరిశ్రమ వర్గాలు మాత్రం విదేశీ మద్యం నిషేధిస్తున్నట్లు వార్తలు వినిపిస్తున్నాయి. ఈ వార్తలపై డియోజియో, పెర్నోడ్ ప్రతినిధులు వ్యాఖ్యానించేందుకు తిరస్కరించారు. అయితే డిఫెన్స్ స్టోర్లలో దిగుమతి చేసుకున్న అమ్మకాలు కేవలం 17 మిలియన్ డాలర్లేనని, ఈ బ్రాండ్లను నిషేధించినా కలిగే నష్టమేమి లేదన్నారు. స్టాక్ తక్కువగానే కొనుగోలు చేస్తున్నట్లు ఓ సీనియర్ అధికారి వెల్లడించారు.
దేశవ్యాప్తంగా 5000 క్యాంటీన్ స్టోర్స్ లను డిపార్ట్ మెంట్ నిర్వహిస్తోంది. వీటిలో మద్యంతో పాటు ఎలక్ట్రానిక్స్, నిత్యావసర సరుకులు, వస్తువులు తక్కువ రాయితీతో సైనికులు, మాజీ సైనిక కుటుంబాలను విక్రయిస్తోంది. రిటైల్ మార్కెటింగ్ క్యాంటిన్ స్టోర్స్ 2 బిలియన్ డాలర్లకుపైగా వార్షిక అమ్మకాలు చేస్తున్న అతి పెద్ద కంపెనీగా నిలిచింది.