తాజాగా సీ ఓటర్ సర్వే చూస్తే బీహార్ లో మరో మారు నితీష్ జెండా ఎగురవేయడం ఖాయమని అంటున్నారు. నితీష్ కి జనాదరణలో తిరుగులేదని ఆ సర్వే ఫలితాలు చాటి చెప్పాయి. అంతే కాదు. ఆయన సరిసాటి నేత ఎవరూ ప్రత్యర్ధిగా లేకపోవడం కూడా అయనకు ప్లస్ పాయింట్ గా ఉందని అంటున్నారు. ఇక లాలూ వారసుడిగా దూసుకువస్తున్న తేజశ్వి యాదవ్ తన కూటమికి ఈసారి మెరుగైన ఫలితాలు రాబడతారు కానీ అధికార పీఠానికి ఆమడదూరంలోనే ఆయన ఉండిపోతారని సర్వే చెబుతోంది. ఇంకో వైపు చూసుకుంటే ఇటీవల మృతి చెందిన దళిత నేత, కేంద్ర మంత్రి రాం విలాస్ పాశ్వాన్ లోక్ జనశక్తి పార్టీకి ఒకటి నుంచి అయిదు సీట్లు మాత్రమే వస్తాయట. ఆయన కుమారుడు చిరాగ్ పాశ్వాన్ ని జనం ఆదరించలేదు అంటున్నారు.
ఆర్జేడీ కూటమికి వంద లోపు సీట్లు వస్తే 140 లోపు సీట్లు నితీష్ నాయకత్వంలోని జేడీయూ కూటమికి దక్కుతాయని అంటున్నారు. అంటే నితీష్ హ్యాపీగా నాలుగవసారి సీఎం కుర్చీ ఎక్కడానికి రెడీ అయిపోవచ్చునని అంటున్నారు. ఇంకో వైపు చూసుకుంటే బీజేపీ మోడీ ప్రభావం కూడా ఈసారి ఎన్నికల్లో బాగానే పనిచేస్తోందని చెబుతున్నారు. మొత్తానికి ఈసారి కూడా గెలిస్తే రెండు దశాబ్దాల కాలం బీహార్ సీఎం గా పనిచేసిన సరికొత్త రికార్డుని నితీష్ సొంతం చేసుకుంటారు అంటున్నారు.