స్థానికంగా ఈ ఘటన ఒక్కసారిగా కలకలం సృష్టించింది. వివరాల్లోకి వెళితే ఉప్పల్ పోలీస్ స్టేషన్ పరిధిలోని రామంతపూర్ ఏరియా కెసిఆర్ నగర్ లో ఈ దారుణ ఘటన చోటుచేసుకుంది. పోలీసు విచారణలో ఎన్నో షాకింగ్ నిజాలు వెలుగులోకి వచ్చే అందరినీ అవాక్కయ్యేలా చేశాయి. కేసీఆర్ నగర్ కు చెందిన ఓ మహిళా తన కూతురితో కలిసి ఉంటుంది. ఇక సదరు మహిళకు అదే ప్రాంతానికి చెందిన నవీన్ అనే యువకుడితో పరిచయం ఏర్పడి వివాహేతర సంబంధానికి దారితీసింది. ఇక ప్రియుని విడిచి ఉండ లేక పోయినా మహిళా నీచానికి ఒడిగట్టింది.
ఏకంగా తన కన్న కూతురునే ప్రియుడికి ఇచ్చి పెళ్లి చేసింది. అయితే ఆ తర్వాత అటు కూతురుని ఇటు తనను కూడా అల్లుడు సుఖపెడతాడు అని అనుకుంది కానీ పెళ్ళయిన కొన్ని రోజులకే కూతురుని హింసించడం మొదలుపెట్టాడు అల్లుడు. ఇక అంతే కాకుండా తల్లికి తన భర్తతో అక్రమ సంబంధం ఉంది అన్న విషయం కూడా యువతికి తెలిసిపోయింది. ఈ క్రమంలోనే మానసికంగా కుంగిపోయిన సదరు యువతి ఆత్మహత్య చేసుకుని తనువు చాలించింది. ఇక కూతురు చనిపోయినప్పటికీ కూడా సదరు వ్యక్తితో అక్రమ సంబంధం కొనసాగింది తల్లి. ఇక చివరికి ప్రియున్ని కత్తితో పొడిచి దారుణంగా హతమార్చింది సదరు మహిళ. పోలీసులు దీనిపై కేసు నమోదు చేసుకొని విచారణ జరపగా ఎన్నో విషయాలు బయటపడ్డాయి.