అయితే ఇప్పటికే ప్రపంచాన్ని వణికిస్తున్న కరోనా వైరస్ మహమ్మారి కి చెక్ పెట్టేందుకు పలు రకాల ప్రయోగాలు కొనసాగుతూనే ఉన్నాయి ఇప్పటికే పలు దేశాలు కరోనా వ్యాక్సిన్ మార్కెట్లోకి అందుబాటులోకి తీసుకు రాగా మరికొన్ని వ్యాక్సిన్ లు క్లినికల్ ట్రయల్స్ లో ప్రస్తుతం కీలక దశకు చేరుకున్నాయి. దీంతో ప్రస్తుతం ప్రపంచ ప్రజానీకం మొత్తం వ్యాక్సిన్ కోసం ఎదురుచూస్తోంది. అయితే కరోనా వ్యాక్సిన్ వాడకం వల్ల ప్రజల ఆరోగ్యంపై ఏవైనా దుష్ప్రభావాలు పడితే వారికి తగిన వైద్య సహాయం అందించేందుకు ప్రపంచ ఆరోగ్య సంస్థ వినూత్న ఆలోచన చేసింది.
ఓ సరికొత్త బీమా పథకాన్ని ప్రపంచ ఆరోగ్య సంస్థ ఇటీవల తెరమీదికి తెచ్చింది. ఇక ఈ బీమా పథకం కోసం కొవాక్స్ ప్రమోటర్లు.. డబ్ల్యూహెచ్వో, గావి సంయుక్తంగా సహాయ నిధి ఏర్పాటు చేసేందుకు నిర్ణయించినట్లు వెల్లడించింది ప్రపంచ ఆరోగ్య సంస్థ. కరోనా వైరస్ కు చెక్ పెట్టేందుకు వ్యాక్సిన్ ను అభివృద్ధి చేసి ప్రపంచ దేశాలకు సమానంగా అందించడమే లక్ష్యంగా.. ఈ కొవాక్స్ కూటమి ఏర్పడినట్లు తెలుస్తోంది. వ్యాక్సిన్ వాడకంపై ఎంతో మంది లో భయాలు సందేహాలు తొలగించేందుకే ఈ బీమా పథకాన్ని తీసుకు వచ్చినట్లు వివరించింది కొవాక్స్.