మూడో దశ పరీక్షల మరియు మొదటి ఫలితాల ఆధారంగా తమ వ్యాక్సిన్ సురక్షితమని ఫైజర్ పేర్కొంది. ఇక యూఎస్, బెల్జియం లలో వినియోగానికి ఈ ఏడాది చివరి కల్లా 5 కోట్ల డోస్ లను అందజేసేందుకు సిద్ధంగా ఉన్నామంటూ ఫైజర్ బయో ఎన్టెక్ తాజాగా పేర్కొన్నాయి. ఎంతో సురక్షితమైన తమ వ్యాక్సిన్ వినియోగానికి అనుమతి ఇవ్వాలంటూ యూరోపియన్ యూకే ఔషధ నియంత్రణ సంస్థలకు సైతం తాము దరఖాస్తు చేయనున్నట్లు తెలియజేశారు.
ముందు ముందు ప్రపంచ వ్యాప్తంగా పలు ఇతర దేశాలలో నియంత్రణ సంస్థలకూ దరఖాస్తు చేయనున్నట్లు పేర్కొన్నారు. అయితే ఫైజర్ తయారీ వ్యాక్సిన్ ను -80-94 సెల్షియస్ లో నిల్వ చేయవలసి ఉన్నందున కంపెనీ ఇందుకు అవసరమైన కూలింగ్ సిస్టమ్స్ ను ఇప్పటికే సిద్ధం చేసింది. దేశ వ్యాప్తంగా వ్యాక్సిన్లను పంపిణీ చేసేందుకు వీలుగా డ్రై ఐస్ తో కూడిన సూపర్ కూల్ స్టోరేజీ యూనిట్లను కూడా రూపొందించి తమ కృషి ఫలితాన్ని ప్రపంచానికి అందించేందుకు సిద్ధంగా ఉంది....