ఆఫర్లు ఏంటి అనేది తెలియక పోయిన ఆయనకు వచ్చే ఎన్నికల్లో కచ్చితంగా ఇచ్చే సీటుపై హామీ తో పాటుగా రాష్ట్ర అధ్యక్ష బాధ్యతలను కూడా అప్పగిస్తాము అని హామీ ఇచ్చినట్లుగా తెలుస్తోంది. దీనికి సంబంధించి ఇంకా స్పష్టత లేకపోయినా త్వరలోనే దీనిపై ఒక ప్రకటన బీజేపీ నేతలు చేసే అవకాశాలు ఉండవచ్చు అని భావిస్తున్నారు. ప్రస్తుతం ఉన్న పరిస్థితుల ఆధారంగా చూస్తే తెలంగాణలో కాంగ్రెస్ పార్టీకి ఎలాంటి అవకాశాలు కూడా లేవు. కాబట్టి రేవంత్ రెడ్డి ఇతర పార్టీలోకి వెళ్లడానికి ఎక్కువగా ఆసక్తి చూపిస్తున్నారు.
ఈ తరుణంలో రేవంత్ రెడ్డిని బీజేపీ తమ వైపు తిప్పుకోవడానికి ప్రయత్నాలు చేస్తుంది. ప్రస్తుతం రేవంత్ రెడ్డి రాజకీయంగా కాస్త దూకుడుగానే ఉన్నారు. టిఆర్ఎస్ పార్టీని విమర్శించే విషయంలో బీజేపీ నేతల కంటే కూడా ఆయన ఎక్కువ దూకుడుగా ఉన్నారు. కాబట్టి రేవంత్ రెడ్డి బీజేపీ లోకి వస్తే బీజేపీకి కాస్త లాభం చేకూరే అవకాశాలు ఉంటాయి అనే అభిప్రాయం రాజకీయ వర్గాలు వ్యక్తం చేస్తున్నాయి. అందుకే బీజేపీ నేతలు ఆయన విషయంలో కాస్త ఎక్కువగా ఫోకస్ చేసారు అని ప్రచారం జరుగుతోంది. మరి రేవంత్ రెడ్డి ఏ పార్టీలో కి వెళ్తారు అనేది చూడాలి.