అయితే ఈ అవకాశాన్ని అదునుగా తీసుకుని జనసేన ని లేకుండా చేసే విధంగా ప్లాన్ చేస్తుందని జనసేన కార్యకర్తలు ఆరోపిస్తున్నారు. ఇప్పటికే గ్రేటర్ లో పవన్ కి పోటీ చేద్దామని ఉన్నా బీజేపీ పార్టీ బలవంతంగా పార్టీ మార్పించేసింది.. తిరుపతి చేద్దామని చూస్తుటేనే బీజేపీ వద్దంటూ అడ్డు తగులుతుంది.. పొత్తు అంటే ఒకసారి ఒకరు తగ్గితే ఇంకోసారి ఇంకొకరు తగ్గాలి కానీ ఇక్కడ ఆలా కాదు మొత్తం జనసేన త్యాగం చేస్తూ బీజేపీ బలపడడానికి బలవుతుంది..
పవన్ కల్యాణ్ పెట్టిన్ పార్టీ జనసేన, దాన్ని కష్టమైనా నష్టమైనా సాకాల్సింది పవనే. బీజేపీ ఒడిలోకి తెచ్చి పెట్టి పెంచి పెద్ద చేయమంటే కుదిరే పనేనా. రాజకీయాల్లో ఎవరి అవసరాలు వారికి ఉంటాయి. పవన్ సినిమాలు చేసుకుంటూ బీజేపీ మీద అధారపడి రాజకీయాలు నడుపుదామనుకుంటే కమలంతో కుదిరే పని అసలు కాదు, పవన్ కల్యాణ్ కూడా కార్యక్షేత్రంలో ఉండాలి. ఇటీవలే ఢిల్లీ వెళ్లిన పవన్ కళ్యాణ్ కి మోడీ అప్పాయింట్మెంట్ యివ్వలేదంటే పవన్ అంటే ఎంత చులకనా అర్థం చేసుకోవచ్చు.తిరుపతి ఉప ఎన్నిక వైసీపీ జాతకాన్ని తేల్చుతుంది అని అంతా అనుకుంటారు. కానీ బీజేపీ, జనసేన మిత్రత్వానికి కూడా అది అగ్ని పరీక్ష పెడుతుందని ఇపుడు అంటున్నారు. పవన్ కళ్యాణ్ ని సంప్రదించారో లేదో కానీ తిరుపతి నుంచి తాము పోటీ చేస్తామని బీజేపీ పెద్దలు చెప్పుకున్నారు. ఉప ఎన్నికల సన్నాహక మీటింగు కూడా తిరుపతిలో తాజాగా పెట్టి మరీ హుషార్ చేశారు.