చిత్రం నుంచి టీజర్ రాగ ప్రేక్షకుల నుంచి మంచి స్పందన లభించింది.. ఇందులో పంచెకట్టులో మీసం మెలితిప్పుతూ మాస్ లుక్ లో బాలయ్య అలరించాడు. ఈ సినిమాలో బాలయ్య రెండు విభిన్న పాత్రల్లో కనిపిస్తుండగా.. అందులో ఒకటి అఘోర పాత్ర.. రెండోది ఫ్యాక్షనిస్ట్ పాత్ర అని సమాచారం. ఇక బిబి3 వర్కింగ్ టైటిల్ తో చిత్రీకరణ జరుపుకుంటున్న ఈ సినిమా ని ద్వారక క్రియేషన్స్ బ్యానర్ పై యువ నిర్మాత మిర్యాల రవీందర్ రెడ్డి ఈ చిత్రాన్ని నిర్మిస్తున్నాడు. థమన్ సంగీతం అందిస్తున్నాడు. సింహ, లెజెండ్ లాంటి సినిమా ల తర్వాత వస్తున్న సినిమా కావడంతో ఈ సినిమా పై ప్రేక్షకుల్లో మంచి అంచనాలు నెలకొన్నాయి.
ఇక ఈ సినిమా తర్వాత బాలకృష్ణ మరో సినిమా కి గ్రీన్ సిగ్నల్ ఇస్తున్నాడని చెప్తున్నారు. కందిరీగ, హైపర్ చిత్రాలతో ఆకట్టుకున్న సంతోష్ శ్రీనివాస్ దర్శకత్వంలో ఈ సినిమా ఉండబోతుందట. బాలయ్య కోసం సంతోష్ శ్రీనివాస్ ఓ కథ రెడీ చేసుకున్నాడు. ఏకే ఎంటర్టైన్మెంట్స్ సంస్థ లో ఈ కథ వినిపించాడు కూడా. ఆ కథ వాళ్లకు బాగా నచ్చింది. దాంతో బాలయ్యని లాక్ చేసే ప్రయత్నాల్లో ఉన్నారు. ఈ సినిమా కోసం `బలరామయ్య బరిలోకి దిగితే..` అనే టైటిల్ కూడా రిజిస్టర్ చేయించినట్టు సమాచారం.