ప్రీ వెడ్డింగ్ షూట్ ఫోటోలు చూసిన ఛత్తీస్ గడ్ ముఖ్యమంత్రి భూపేష్ బాగల్ అవాక్కయ్యారు.
రాష్ట్ర డీజీపీ, రాష్ట్ర ఏవీయేషన్ డైరెక్టర్, స్థానిక పోలీసులు కంగుతిన్నారు. అందుకు కారణం వైరల్ అవుతున్న ప్రీ వెడ్డింగ్ ఫోటోల్లో ఉన్న హెలికాప్టర్ ను సీఎం భూపేష్ బాగల్ ఉపయోగిస్తారు. దీంతో హుటాహుటీనా సీఎం భూపేష్ బాగల్ రాష్ట్ర డీజీపీ డీఎం అవస్థికి విచారణకు ఆదేశించారు. విచారణలో భాగంగా సీఎం భూపేష్ బాగల్ డ్రైవర్ యోగేశ్వర్ సాయిని రాష్ట్ర ఏవియేషన్ డైరెక్టర్ కార్యాలయం అధికారులు అదుపులోకి తీసుకొని విచారణ చేపట్టారు. విచారణలో భాగంగా ప్రస్తుత రాష్ట్ర బీజేపీ అధ్యక్షుడు విష్ణు దేవ్ సాయి బంధువు , తన స్నేహితుడు హెలికాప్టర్ లో జరిగిన ప్రీ వెడ్డింగ్ షూట్లో పాల్గొన్నట్లు ఒప్పుకున్నాడు. అయితే నిబంధనలకు విరుద్ధంగా వ్యవహరించడంతో యోగేశ్వర్ సాయిని విధుల నుంచి తొలగించారు.
ప్రీ వెడ్డింగ్ ఘటనపై రాష్ట్ర కాంగ్రెస్ అధికార ప్రతినిధి వికాస్ తివారీ రాష్ట్ర డీజీపీకి డీఎం అవస్థీకి లేఖ రాశారు. ముఖ్యమంత్రి భద్రతలో లోపాలు తలెత్తుతున్నాయి. ఏకంగా ముఖ్యమంత్రి వినియోగించే హెలికాప్టర్ లో ప్రీ వెడ్డింగ్ షూట్ జరగడం ఆందోళనగా ఉంది. వెంటనే దీనిపై చర్యలు తీసుకోవాలని లేఖలో పేర్కొన్నారు.