ప్రతి రాష్ట్రంలో సంక్షేమ కార్యక్రమాలు లేకపోతే ఇబ్బందులు పడే అవకాశాలు ఉంటాయి. సంక్షేమ కార్యక్రమాల విషయంలో రాష్ట్రాల్లో తీవ్ర స్థాయిలో అసహనం అనే భావన వ్యక్తమవుతోంది. రాష్ట్రాల్లో పెన్షన్లను దాదాపుగా పెంచిన పరిస్థితి ఉంది. కాని కేంద్ర ప్రభుత్వం మాత్రం పెన్షన్ ల విషయంలో రెండు వందలు మాత్రమే ఇవ్వడం అలాగే గృహ నిర్మాణాల విషయంలో రాష్ట్రాలకు సహాయ సహకారాలు అందించకపోవడం జరుగుతుంది. దక్షిణాది రాష్ట్రాల్లో కూడా పెద్దగా నిధులు ఇవ్వకపోవడంతో ఇప్పుడు కేంద్ర ప్రభుత్వ తీరుపై కొంతమంది అసహనం వ్యక్తం చేస్తున్నారు.
ఇదే విధానం భవిష్యత్తులో కూడా కొనసాగితే కేంద్ర ప్రభుత్వంపై ప్రజల్లో అసహనం కూడా పెరిగే అవకాశం ఉంది. అయితే ఇప్పుడు కేంద్ర ప్రభుత్వంతో బీజేపీ నేతలు కూడా విబేధించే అవకాశాలు ఉన్నాయనే ప్రచారం రాజకీయ వర్గాల్లో జరుగుతోంది. బిజెపి ముఖ్యమంత్రులు పరిపాలిస్తున్న రాష్ట్రాల్లో కూడా కేంద్ర ప్రభుత్వం ఇలాగే వ్యవహరిస్తుంది. దీనితో కర్ణాటక ముఖ్యమంత్రి బహిరంగంగానే ఇప్పుడు అసహనం వ్యక్తం చేయడానికి సిద్ధమైనట్లుగా కూడా సమాచారం. పరిపాలిస్తున్న రాష్ట్రాల్లో కూడా ఇలాగే పరిస్థితులు ఉండటంతో దీనిపై పలు రాష్ట్రాల ముఖ్యమంత్రులు కూడా అసహనంగానే ఉన్నారు. గృహ నిర్మాణాల విషయంలో కూడా సహకారం అందించకపోతే ఎలా అంటూ పలు రాష్ట్రాల ముఖ్యమంత్రులు నేరుగానే అసహనం వ్యక్తం చేయడానికి సిద్ధమైనట్లుగా తెలుస్తోంది.