ప్రతిభగల విద్యార్థులు ఆర్థిక స్తోమత సరిగా లేక పోయినప్పటికీ ఉన్నతమైన చదువులు చదవడానికి కావలసిన ఆర్థిక సహాయాన్ని చేయడానికి ప్రస్తుతం ఎన్నో స్వచ్ఛంద సంస్థలు ముందుకు వస్తూ విద్యార్థులకు బంగారు భవిష్యత్తు అందిస్తున్నాయి అన్న విషయం తెలిసిందే. ఈ క్రమంలోనే ఎంతోమంది పేదవిద్యార్థులకు చదువుకోవాలనే ఆశ సజీవంగా ఉంచుతున్నాయి స్వచ్ఛంద సంస్థలు. అటు ప్రభుత్వాలు కూడా పేద మధ్య తరగతి విద్యార్థులకు ఎన్నో ప్రోత్సాహకాలు కూడా అందిస్తూ ఉన్నత చదువులు చదివేందుకు చేయూతనిస్తూ ఉన్నాయి అన్న విషయం తెలిసిందే.
ఈ క్రమంలోనే కిషోర్ సైంటిఫిక్ ఇన్సెంటివ్ అనే పథకాన్ని కేంద్రం తీసుకువచ్చింది. ఈ పథకం ద్వారా విద్యార్థులకు ఎంతో ప్రయోజనం చేకూరనుంది. ఈ స్కీం ద్వారా సైన్స్ విద్యార్థులకు ప్రతి నెల 5 నుంచి 7 వేల రూపాయల వరకూ ప్రోత్సాహం అందించేందుకు కేంద్ర ప్రభుత్వం నిర్ణయించింది. ఇంటర్ డిగ్రీ చదువుతున్న విద్యార్థులకు ఫెలోషిప్ అందిస్తారు. అయితే ఈ ప్రోత్సాహకం పొందేందుకు 2 దశల్లో ప్రవేశ పరీక్షలు నిర్వహిస్తారు. టెన్త్ పూర్తయిన తర్వాత మ్యాథ్స్ సైన్స్ సబ్జెక్టుల్లో 75 శాతం మార్కులతో ఉత్తీర్ణులు కావలసి ఉంటుంది. ఇక ఆ తర్వాత ఇంటర్మీడియట్లో 60 శాతం మార్కులు సాధించాల్సి ఉంటుంది. ఇలా ఉత్తీర్ణత సాధించిన ప్రతిభ గల విద్యార్థులకు ప్రతి నెల కూడా కేంద్ర ప్రభుత్వం కిషోర్ సైంటిఫిక్ ఇంటెన్సివ్ పథకం ద్వారా ప్రోత్సాహం అందించేందుకు నిర్ణయించింది.
