ఇటీవల మేయర్ను మర్యాదపూర్వకంగా కలవడానికి వచ్చిన ఓ స్వచ్ఛంద సంస్థ ప్రతినిధులు జీహెచ్ఎంసీ కార్యాలయానికి వచ్చారు. ఈ సందర్భంలో ఎమ్మెల్సీ టీఆర్ఎస్ అభ్యర్థి వాణీదేవిని గెలిపించాలంటూ వారికి మేయర్ గద్వాల విజయలక్ష్మి కరపత్రాలు పంచారు. ఈ వీడియో సోషల్మీడియాలో వైరల్ కావడంతో మేయర్పై ప్రతిపక్షాలు ఆగ్రహం వ్యక్తం చేశాయి.
హైదరాబాద్ నగర మేయర్ గద్వాల్ విజయలక్ష్మిపై సినీ దర్శకుడు రాంగోపాల్ వర్మ వివాదాస్పద వ్యాఖ్యలు చేశారు. ఇవి కూడా ఇప్పుడు సోషల్ మీడియాలో వైరల్ అయ్యాయి. మేయర్ ఓ చేత్తో కుక్కకు.. మరో చేత్తో తాను తింటున్నట్లు వైరల్ అయిన వీడియోపై ఆర్జీవీ స్పందిస్తూ.. ‘‘కుక్కపై మేయర్ ప్రేమ ఎంతో ఉన్నతంగా ఉంది.. కుడి చేత్తో కుక్కకు తినిపిస్తూ ఎడమ చేత్తో తాను తింటున్నారు. ఆమెను అంతర్జాతీయ కుక్కల మేయర్గా ఎంపిక చేయాలి. ఆమె కుక్కపై చూపుతున్న ప్రేమకు దీటుగా ప్రజలను ప్రేమించగలరా? కుక్కను ఆమె అంతగా ప్రేమించడాన్ని చూస్తుంటే మరో జన్మలో తాను కుక్కగా పుట్టాలని కోరుకుంటున్నాను.ఇంతగా ఆమె తన కుటుంబాన్ని, తన పార్టీని, తెలంగాణ ప్రజలను కూడా ప్రేమిస్తారా? అనే అనుమానాలు కలుగుతున్నాయి. వాస్తవంగా కుక్కను చూసి అందరూ ఈర్ష్య చెంది ఉంటారు’’ అని ఆర్జీవీ కామెంట్ చేశారు. ఆర్జీవీ కామెంట్లు చర్చనీయాంశంగా మారాయి.