ఇక తాజాగా అలాంటి ఓ ఘటన జూమ్ కాల్‌లో కలకలం రేపింది. టిక్ టాక్‌లో టైలర్డ్ బిట్స్ అనే పేరుతో ఉన్న అకౌంట్‌లో ఈ వీడియో ఉంది. దీన్ని మరిన్ని ఇతర సోషల్ మీడియా ప్లాట్‌ఫామ్స్‌లో కూడా షేర్ చేశారు. ఇందులో ఓ వ్యక్తి గ్రీన్ మార్ఫ్ సూట్ వాడాడు. ఎవరికీ కనిపించకుండా అదృశ్యం అవ్వాలనే ఉద్దేశంతో ఆ సూట్ కొనుక్కున్నాడు. అంటే తన భార్యకు జూమ్ కాల్ మీటింగ్ జరుగుతున్నప్పుడు తాను ఆ సూట్ వేసుకొని అటూ ఇటూ నడిచినా అది మీటింగ్‌లో పాల్గొన్న వారికి కనపడదు అనుకున్నాడు.
అయితే ప్లాన్ ప్రకారం జూమ్ మీటింగ్ జరుగుతుండగా ఆ సూట్ ఎలా పనిచేస్తోందో తెలుసుకోవడానికి దాన్ని తొడుక్కున్నాడు. అతను సూటుతో నడుస్తుంటే.. జూమ్ మీటింగ్‌లో కనిపించేసింది. ఆ సూట్ సరిగా పనిచెయ్యలేదు. సగం మనిషి కనిపిస్తూ... సగం కనిపించకుండా గ్రాఫిక్స్‌లా తయారైంది. పైగా అతను నడుస్తూ.. జూమ్ మీటింగ్ వైపు చూస్తూ చెయ్యి కూడా ఊపాడు. దీంతో ఈ మీటింగ్ పూర్తిగా డిస్టర్బ్ అయ్యింది. వీడియో మీరే చూడండి.
ఇక ఈ వీడియోని టిక్‌టాక్‌లో నెటిజన్లు బాగా చూస్తున్నారు. దీనికి ఇప్పటికే 60 లక్షల వ్యూస్ వచ్చాయి. యూట్యూబ్‌లో మాత్రం 795 మందే చూశారు. మొత్తంగా దీన్ని చూసి నెటిజన్లు నవ్వుకుంటున్నారు. ఇంత అవసరమా అని అనుకుంటున్నారు. "మామూలుగా అలా నడుస్తూ వెళ్లినా సరిపోయేది. ఈ సూట్ కారణంగా... ఇంకా ఎక్కువ డిస్టర్బ్ అయ్యింది" అని నెటిజన్లు సెటైర్లు వేస్తున్నారు.
