నేటి సమాజంలో మానవ విలువలు మంట గలుస్తున్నాయి. ప్రేమ కలుషితమయ్యింది. అందుకు ఈ ఘటన ఉదాహరణ. భర్తకు విడాకులు ఇచ్చిన ఓ మహిళ తన మామను పెళ్లి చేసుకున్న ఘటన అమెరికా చోటుచేసుకుంది. అమెరికాలోని కెంటుకీలో హారోడ్స్బర్గ్ ప్రాంతంలో ఎరికా క్విగ్లే(31) నివశిస్తోంది. ఈ క్రమంలో జెఫ్(60) సవతి కుమారుడు జస్టిన్‌ తో పరిచయం ఏర్పడింది. ఆ పరిచయం కాస్తా ప్రేమగా మారడంతో కొన్నేళ్ల క్రితం వారు వివాహం చేసుకున్నారు. ప్రేమించి పెళ్లి చేసుకున్నవారు ఎంతో ఆనందంగా జీవితాన్ని గడిపారు. ఇరుగుపొరుగు వారు కూడా వారి ప్రేమను చూసి అసూయ పడేలా ఉండేవారు. ఈ క్రమంలో ఎరికా, జస్టిన్‌ లకు ఓ బిడ్డ పుట్టాడు. బిడ్డ పుట్టిన ఆనందానికి అవధుల్లేవు. పండండి బిడ్డ వారి ఇంట అడుగు పెట్టే సరికి వారి ఆనందం కాస్తా రెట్టింపు అయ్యింది. ఇలా సాఫీగా సాగుతున్న వారి కుటుంబంలో కొన్ని రోజులకు చిన్న చిన్న గొడవలు రావడం మొదలయ్యాయి.

ప్రేమించి పెళ్లి చేసుకున్నవారు చిన్న చిన్న గొడవలు పడుతూ దూరం అవ్వసాగారు. కొన్ని రోజులకు వారి గొడవలు పెద్దవి అయ్యాయి. దీంతో వారు విడాకులు తీసుకున్నారు. ప్రేమించిన వాడికి దూరమైన ఎరికా కొన్ని రోజులకు జస్టిన్‌ సవతి తండ్రి జెఫ్ ‌తో ప్రేమలో పడింది. ఆయన కూడా ఆమెను ప్రేమిస్తున్నానని చెప్పడంతో ఇద్దరూ మళ్లీ పెళ్లి పీటలెక్కారు. ఎరికా ఆమెకు పుట్టిన బిడ్డ బాధ్యతలను తన మాజీ భర్త జస్టిన్ ‌కే అందించింది. ఆ ముగ్గురు ఇప్పుడు ఒకే ఇంట్లో కలిసి జీవిస్తున్నారు. తను ఎంతగానో ప్రేమించి వ్యక్తి..తనను పెళ్లి చేసుకున్న ఇంకో వ్యక్తి..ఇలా ముగ్గురూ కలిసి ఒకే ఇంట్లో సంసారాన్ని సాగిస్తుండటం చర్చనీయాంశమవుతోంది. ఎవరు ఏమనుకున్నా తాము మాత్రం ఒకే ఇంట్లో ఆనందంగా గడుపుతామని ఎరికా తేల్చిచెప్పడం అందరినీ ఆశ్చర్యానికి గురి చేసింది.

మరింత సమాచారం తెలుసుకోండి: