ఎక్కువ గంటలు పనిచేయడం వల్ల వచ్చిన గుండె సంబంధిత వ్యాధులే దీనికి కారణం అని తెలిపారు. 2000సంవత్సరం నుండి పోలిస్తే ఇది 30శాతం పెరిగినట్లుగా ఉంది. ఒక వారంలో 55గంటల కంటే ఎక్కువ పనిచేయడం ఆరోగ్యానికి హానికరంగా మారుతుందని, ప్రపంచ ఆరోగ్య సంస్థకి చెందిన వాతావరణ, ఆరోగ్య డిపార్ట్ మెంట్ ఇన్ ఛార్జ్ మారియా నెయిరా తెలిపింది. పనిచేసే వారి పట్ల మరింత జాగ్రత్తగా ఉండాలని, భవిష్యత్తులో ఇలాంటి ఇబ్బందులు కలగకుండా చూసుకోవాలని ఆమె తెలిపింది. ప్రపంచ ఆరోగ్య సంస్థ, అంతర్జాతీయ కార్మిక సంస్థ సంయుక్తంగా ఇచ్చిన సమాచారం ప్రకారం మరణిస్తున్న వారిలో ఎక్కువ మంది పురుషులే ఉంటున్నారు. ఇంకా మధ్యవయస్కులు, వృద్ధులు ఉంటున్నారు. కొన్నిసార్లు ఈ మరణాలు చాలా రోజుల తర్వాత సంభవిస్తున్నాయని, పని చేసిన పదేళ్ళకు దీని ప్రభావం ఉంటుందని పేర్కొంది.
